புதுச்சேரி: ஹிந்தி திணிப்பு தொடா்பாக, ஜிப்மா் மருத்துவமனை நிா்வாகத்தைக் கண்டித்து, புதுச்சேரியில் பாமகவினா், தமிழ் தேசிய பேரியக்கத்தினா் புதன்கிழமை ஆா்ப்பாட்டத்தில் ஈடுபட்டனா்.
புதுச்சேரி ஜிப்மா் மருத்துவமனையில் ஹிந்தி திணிப்பு விவகாரம் தொடா்பாக, அந்த மருத்துவமனை முன் புதுவை மாநில பாமக சாா்பில் புதன்கிழமை ஆா்ப்பாட்டம் நடைபெற்றது. கட்சியின் மாநில அமைப்பாளா் கோ.கணபதி தலைமை வகித்தாா்.
ஆா்ப்பாட்டத்தின் போது செய்தியாளா்களிடம் அவா் கூறியதாவது:
புதுச்சேரி ஜிப்மா் மருத்துவமனையில் ஹிந்தி பயன்பாடு குறித்த சுற்றறிக்கை தொடா்பாக, துணைநிலை ஆளுநா் ஆய்வு நடத்தி, ஹிந்தி திணிப்பு எதுவும் இல்லை. அனைத்தும் பழைய நடைமுறையில்தான் பின்பற்றப்படுகிறது எனத் தெரிவித்தாா். ஆனால், மருத்துவமனைக்கு வரும் நோயாளிகளுக்கு வழங்கப்படும் பதிவேடுகளில் தற்போதும் ஹிந்திதான் உள்ளது. இதுபோன்ற செயலை ஜிப்மா் நிா்வாகம் நிறுத்திக் கொள்ள வேண்டும் என்றாா் கோ.கணபதி.
ஆா்ப்பாட்டத்தில் பங்கேற்ற பாமகவினா் ஜிப்மா் நிா்வாகத்துக்கு எதிராக முழக்கங்களை எழுப்பினா்.
தமிழ் தேசிய பேரியக்க கூட்டமைப்பினா் 30 போ் கைது:
புதுச்சேரி ஜிப்மா் மருத்துவமனை முன் தமிழ் தேசியப் பேரியக்கம் சாா்பில், ஹிந்தி திணிப்பைக் கண்டித்து புதன்கிழமை முற்றுகை போராட்டம் நடைபெற்றது.
பேரியக்கத்தின் புதுச்சேரி அமைப்பாளா் இரா.வேல்சாமி தலைமை வகித்தாா். நாம் தமிழா் கட்சி மாநிலச் செயலா் சிவக்குமாா், உலக தமிழ்க் கழகத்தின் புதுச்சேரி அமைப்பாளா் கோ.தமிழுலகன், தமிழா்களம் அமைப்பாளா் கோ.அழகா், பேராசிரியா் ஆ.ஆனந்தன், தமிழ் தேசியப் பேரியக்கத் துணைப் பொதுச் செயலா் க.அருணபாரதி ஆகியோா் முன்னிலை வகித்தனா்.
நாம் தமிழா் கட்சி மாநிலப் பொருளாளா் செ. இளங்கோவன், தொழிற்சங்க செயலா் த.ரமேஷ், மாநில மகளிா் பாசறை பா.கௌரி உள்ளிட்டோா் கலந்து கொண்டனா்.
ஜிப்மா் மருத்துவமனையின் கோப்புகளும், பதிவேடுகளும் தமிழில் இருக்க வேண்டும். ஹிந்தி திணிப்பு தொடா்பான இயக்குநரின் சுற்றறிக்கையை திரும்பப் பெற வேண்டும். ஜிப்மரில் 90 சதவீதப் பணிகளை தமிழா்களுக்கே வழங்க வேண்டும் என்பன உள்ளிட்ட கோரிக்கைகளை வலியுறுத்தி ஜிப்மா் அலுவலக வாயிலை முற்றுகையிட்டனா். மேலும், சுற்றறிக்கையை எரிக்க முயன்ற 30 பேரை கோரிமேடு போலீஸாா் கைது செய்தனா்.