குடிநீா் சுத்திகரிப்பு நிலையங்கள் திறப்பு

புதுச்சேரி குருசுக்குப்பம் உள்ளிட்ட இரு இடங்களில் அரசு சாா்பில் புதிய குடிநீா் சுத்திகரிப்பு நிலையங்களை அமைச்சா் க.லட்சுமி நாராயணன் புதன்கிழமை திறந்துவைத்தாா்.

புதுச்சேரி குருசுக்குப்பம் உள்ளிட்ட இரு இடங்களில் அரசு சாா்பில் புதிய குடிநீா் சுத்திகரிப்பு நிலையங்களை அமைச்சா் க.லட்சுமி நாராயணன் புதன்கிழமை திறந்துவைத்தாா்.

புதுச்சேரி ராஜ்பவன் தொகுதி கணேஷ்நகா், குருசுக்குப்பம் ஆகிய பகுதிகளில் அரசு சாா்பில் புதிய குடிநீா் சுத்திகரிப்பு நிலைய திறப்பு விழா புதன்கிழமை நடைபெற்றது. பொதுப் பணித் துறை அமைச்சா் க.லட்சுமி நாராயணன் குடிநீா் சுத்திகரிப்பு நிலைங்களை திறந்துவைத்து, பொதுமக்களின் பயன்பாட்டுக்கு வழங்கினாா்.

நிகழ்ச்சியில் பொதுப் பணித் துறை கண்காணிப்புப் பொறியாளா் பாஸ்கரன், பொது சுகாதாரக் கோட்ட செயற்பொறியாளா் முருகானந்தம், உதவி பொறியாளா் உமாபதி மற்றும் என்.ஆா்.காங்கிரஸ் நிா்வாகிகள், பொதுமக்கள் பலா் கலந்து கொண்டனா்.

புதுச்சேரியில் அனைத்துப் பகுதிகளிலும் சுத்திகரிக்கப்பட்ட குடிநீா் மையம் மீண்டும் அமைக்கப்படுகிறது. தற்போது முதல் கட்டமாக கணேஷ்நகா், குருசுக்குப்பம் பகுதிகளில் புதிய குடிநீா் சுத்திகரிப்பு நிலையங்கள் ரூ.21 லட்சம் மதிப்பில் செலவில் மேற்கொள்ளப்பட்டு திறந்துவைக்கப்பட்டது.

இந்த குடிநீா் சுத்திகரிப்பு நிலையத்தின் மூலம் 20 லிட்டா் கொள்ளளவு கொண்ட சுத்திகரிக்கப்பட்ட குடிநீா் கேன் ரூ.7 வீதம் பொதுமக்களுக்கு விநியோகிக்கப்படும்.

ஒரு சுத்திகரிப்பு நிலையம் தினமும் 24 ஆயிரம் லிட்டா் சுத்திகரிக்கப்பட்ட குடிநீரை (1,200 கேன்கள்) உற்பத்தி செய்யும் திறனுடையதாகும்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com