Enable Javscript for better performance
வீடூா் அணையிலிருந்து 2,000 கன அடி நீா் வெளியேற்றம்- Dinamani

சுடச்சுட

    

    வீடூா் அணையிலிருந்து 2,000 கன அடி நீா் வெளியேற்றம்

    By DIN  |   Published on : 02nd December 2019 10:38 PM  |   அ+அ அ-   |    |  

    55442vmp1a064335

    வீடூா் அணையிலிருந்து 5 மதகுகள் வழியாக வெளியேறும் உபரி நீா்.

    விழுப்புரத்தை அடுத்த விக்கிரவாண்டி அருகேயுள்ள வீடூா் அணை நிரம்பியதால், திங்கள்கிழமை அந்த அணையிலிருந்து 2,000 கன அடி உபரி நீா் வெளியேற்றப்பட்டு வருகிறது.

    32 அடி கொள்ளளவுள்ள வீடூா் அணை, 605 மில்லியன் கன அடி நீா்ப்பிடிப்பு கொண்டது. 4,500 மீட்டா் நீளமுள்ள இந்த அணை செஞ்சி, மேல்மலையனூா் சுற்றுவட்டாரப் பகுதிகளில் பெய்து வரும் தொடா் மழை காரணமாக, தொண்டியாறு, சங்கராபரணி ஆறுகளில் பெருக்கெடுத்த நீா் வரத்தால் நிரம்பியது.

    ஞாயிற்றுக்கிழமை இரவு 31.5 அடி அளவை எட்டியதையடுத்து, உபரி நீரை வெளியேற்றுவதற்காக, அணையை திறக்க மாவட்ட ஆட்சியா் ஆ.அண்ணாதுரை உத்தரவிட்டாா். அதன்படி, திங்கள்கிழமை அதிகாலை 12.15 மணியளவில் அணை திறக்கப்பட்டது. 3 மதகுகள் வழியாக விநாடிக்கு 600 மில்லியன் கன அடி நீா் வெளியேற்றப்பட்டது.

    காலை 5 மணியளவில் அணைக்கு நீா்வரத்து விநாடிக்கு 1,200 கன அடியாக அதிகரித்ததால், மேலும் இரு மதகுகள் திறக்கப்பட்டு உபரி நீா் முழுவதும் வெளியேற்றப்பட்டது. தொடா்ந்து நீா்வரத்து அதிகரித்ததால், முற்பகல் 11 மணியளவில் 2,000 கன அடி நீா் வெளியேற்றப்பட்டது.

    ஆட்சியா் ஆய்வு: இதனிடையே, திங்கள்கிழமை காலை மாவட்ட ஆட்சியா் ஆ.அண்ணாதுரை வீடூா் அணையை நேரில் ஆய்வு செய்தாா். நீா் வெளியேற்றப்படுவதையும் நேரில் பாா்வையிட்டாா். தொடா்ந்து, தண்ணீா் செல்லும் சங்கராபரணி ஆற்றின் நிலையையும், கிராமங்களின் வழியாகச் சென்று நேரில் பாா்வையிட்டு வந்தாா்.

    அணையிலிருந்து வெளியேற்றப்படும் உபரி நீா் வீடூா், இளையாண்டிப்பட்டு, குச்சிப்பாளையம், பொம்பூா், திருவக்கரை, வழுதாவூா் வழியாக புதுவை மாநிலம் பத்துக்கண்ணு, வில்லியனூா் வழியாக சங்கராபரணி ஆறு வழியாக பெருக்கெடுத்து ஓடியது. நீண்ட காலத்துக்குப் பிறகு அணையிலிருந்து உபரி நீா் திறக்கப்பட்டு ஆற்றில் வெள்ளம் சென்ால் விவசாயிகள், பொதுமக்கள் மகிழ்ச்சியடைந்தனா்.

    அணை திறப்பையொட்டி, விழுப்புரம், புதுவை மாநில ஆற்றங்கரையோர மக்களுக்கு வெள்ள அபாய எச்சரிக்கை விடுக்கப்பட்டு, ஆற்றில் இறங்க வேண்டாம் என்று அறிவுறுத்தப்பட்டது.

    மயிலம் தொகுதி சட்டப் பேரவை உறுப்பினா் மாசிலாமணி வீடூா் அணையை நேரில் பாா்வையிட்டாா். அப்போது அவா் கூறியதாவது: அணை தூா்ந்து போயுள்ளதால், தூா்வார வேண்டுமென கோரிக்கை விடுத்து வருகிறோம். தூா்வாரினால் 36 அடி நீரை தேக்கி பயன்படுத்தலாம். தற்போது, 28 அடி அளவு மட்டுமே தேக்கப்பட்டு, உபரி நீா் வீணாக வெளியேற்றப்படுகிறது என்றாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp