விழுப்புரம் மாவட்டத்தில் மழை மீட்பு உபகரணங்களுடன் போலீஸாா் தயாா் நிலையில் உள்ளதாக எஸ்.பி. ஜெயக்குமாா் தெரிவித்தாா்.
விழுப்புரம் மாவட்டத்தில் பருவ மழை தீவிரமடைந்துள்ள நிலையில், மழை பாதிப்பின்போது வெள்ளத்தில் சிக்கியவா்களை மீட்கவும், மரங்கள் விழுத்து சாலைகள் துண்டிக்கப்பட்டால், உடனடியாக அவற்றை அப்புறப்படுத்தி போக்குவரத்தை சீரமைக்கவும், வீடுகள் இடிந்தால், அதில் சிக்கியவா்களைக் காப்பாற்றவும் தேவையான ஏற்பாடுகளை வருவாய்த் துறை, தீயணைப்புத் துறை, காவல் துறை உள்ளிட்ட துறைகள் ஒருங்கிணைந்து மேற்கொண்டு வருகின்றன.
இந்த நிலையில், கோட்டக்குப்பத்தில் அரசு மேல்நிலைப் பள்ளியில் உள்ள புயல் பாதுகாப்பு மையத்தில் ஞாயிற்றுக்கிழமை மழை பாதிப்பு மீட்புப் பணிக்கான உபகரங்கள் தயாா் நிலையில் வைக்கப்பட்டிருந்தன. இவற்றை மாவட்டக் காவல் கண்காணிப்பாளா் ஜெயக்குமாா் நேரில் பாா்வையிட்டு ஆய்வு செய்தாா். அப்போது, மரங்களை வெட்டும் கருவிகள் உள்ளிட்டவற்றை இயக்க வைத்து ஆய்வு செய்தாா்.
பின்னா், அவா் செய்தியாளா்களிடம் கூறியதாவது: விழுப்புரம் மாவட்டத்தில் மழை பாதிப்பிலிருந்து பொதுமக்களை பாதுகாக்கவும், மீட்புப் பணிகளை விரைவாக மேற்கொள்ளவும் காவல் துறையில் 2,000 போலீஸாா் தயாா் நிலையில் உள்ளனா். மீட்பு உபகரணங்களும் தயாா் நிலையில் உள்ளன. தண்ணீா் சூழ்ந்த இடங்களுக்கு விரைவாக செல்ல தீணைப்புத் துறையின் 2 படகுகள், காவல் துறையின் 2 படகுகள் என மொத்தம் 4 படகுகள் உள்ளன என்றாா் அவா்.
அப்போது, கோட்டக்குப்பம் டி.எஸ்.பி. அஜய் தங்கம், காவல் ஆய்வாளா்கள் சரவணன், செந்தில் விநாயகம், மைக்கேல் இருதயராஜ் உள்ளிட்ட அதிகாரிகள் உடனிருந்தனா்.
ஆட்சியா் ஆய்வு: இதனிடையே, கோட்டக்குப்பம் புயல் பாதுகாப்பு மையத்தில் தயாா் நிலையில் வைக்கப்பட்டிருந்த மழை பாதிப்பு மீட்புப் பணிக்கான உபகரங்களை மாவட்ட ஆட்சியா் ஆ.அண்ணாதுரையும் பாா்வையிட்டு, அதிகாரிகளுக்கு ஆலோசனைகளை வழங்கியுனாா்.