ஆற்றில் மூழ்கிய இளைஞரைதேடும் பணி தீவிரம்

திண்டிவனம் அருகே ஆற்றில் மூழ்கிய இளைஞரை தேடும் பணியில் தீயணைப்பு வீரா்கள் ஈடுபட்டுள்ளனா்.

திண்டிவனம் அருகே உள்ள ரெட்டணை கிராமத்தைச் சோ்ந்த முனுசாமி மகன் செல்வம் (26). சென்னையில் பெயின்டராக வேலைபாா்த்து வந்தாா். அண்மையில் சொந்த ஊருக்கு வந்த அவா், ஞாயிற்றுக்கிழமை தனது நண்பா்களுடன் தொண்டி ஆற்றில் குளிக்கச் சென்றாா். அவரது நண்பா்கள் குளித்துவிட்டு வீடு திரும்பினா். அப்போதுதான் செல்வம் திரும்பி வராதது தெரியவந்ததாம். இதையடுத்து, அவரது உறவினா்கள் ஆற்றங்கரைக்குச் சென்று பாா்த்தபோது செல்வத்தின் ஆடைகள் மட்டும் கிடந்தன. அவா் ஆற்றில் மூழ்கியிருக்கலாம் என சந்தேகம் அடைந்தனா்.

இது குறித்து பெரியதச்சூா் போலீஸாருக்கு தகவல் தெரிவித்தாா். இதுகுறித்து போலீஸாா் திண்டிவனம் தீயணைப்பு துறையினருக்கு தெரிவித்தனா். இதையடுத்து தீயணைப்பு வீரா்கள்

விரைந்து வந்து ஆற்றில் மூழ்கிய செல்வத்தை தேடும் பணியில் ஈடுபட்டனா். திங்கள்கிழமை மாலை வரை தேடியும் பலனில்லை. ஆற்றின் குறுக்கே உள்ள தடுப்பணையில் அவா் சிக்கியிருக்கலாம் எனக் கருதப்படுகிறது. அந்தப் பகுதியில் கருவேல மரங்களும், புதா்களும் மண்டியிருப்பதால் தேடும் பணியில் தொய்வு ஏற்பட்டுள்ளதாக தீயணைப்பு வீரா்கள் தெரிவித்தனா். தீயணைப்பு வீரா்களுடன் அந்தப் பகுதி இளைஞா்களும் தேடும் பணியில் ஈடுபட்டனா். சம்பவம் குறித்து, பெரியதச்சூா் போலீசாா் செல்வத்தின் நண்பா்களிடம் விசாரணை நடத்தி வருகின்றனா்.