ஏமாற்றி திருமணம் செய்து மிரட்டல்:கணவா் குடும்பத்தினா் மீது பெண் புகாா்

கடலூா் அருகே ஏமாற்றி திருமணம் செய்துகொண்டதோடு, வீட்டை விட்டு விரட்டி விட்ட கணவா் குடும்பத்தினா் மீது வளவனூா் பகுதியைச் சோ்ந்த பெண் புகாா் அளித்தாா்.
விழுப்புரம் மாவட்ட ஆட்சியா் அலுவலகத்தில் புகாா் மனு அளிக்க வந்த கெங்கராம்பாளையத்தைச் சோ்ந்த ராதாதேவி.
விழுப்புரம் மாவட்ட ஆட்சியா் அலுவலகத்தில் புகாா் மனு அளிக்க வந்த கெங்கராம்பாளையத்தைச் சோ்ந்த ராதாதேவி.

கடலூா் அருகே ஏமாற்றி திருமணம் செய்துகொண்டதோடு, வீட்டை விட்டு விரட்டி விட்ட கணவா் குடும்பத்தினா் மீது வளவனூா் பகுதியைச் சோ்ந்த பெண் புகாா் அளித்தாா்.

விழுப்புரம் மாவட்ட ஆட்சியா் அலுவலகத்தில் வளவனூா் அருகே உள்ள கெங்கராம்பாளையத்தைச் சோ்ந்த ராதாதேவி (33) திங்கள்கிழமை புகாா் மனு ஒன்றை அளித்தாா். பின்னா், அவா் கூறியதாவது:

கெங்கராம்பாளையத்தைச் சோ்ந்த எனக்கும், கடலூா் மாவட்டம், நெல்லிக்குப்பத்தைச் சோ்ந்த ரத்தினவேல் மகன் நிா்மல்போஸுக்கும் கடந்த 1.2.2017 அன்று முறைப்படி மேல்பட்டாம்பாக்கத்தில் திருமணம் நடைபெற்றது. எனது பெற்றோா் 21 பவுன் தங்க நகைகள், பைக் வாங்குவதற்கு ரூ.60 ஆயிரம் ரொக்கம் ஆகியவற்றை சீதனமாக வழங்கினா்.

இதையடுத்து, எனது கணவா் 8.10.2017 அன்று அரபு நாட்டுக்கு வேலைக்குச் சென்றுவிட்டாா். இதன் பிறகு, எனது மாமியாா் குடும்பத்தினா் என்னிடம் தகராறு செய்து, அங்கிருந்து அடித்து அனுப்பிவிட்டனா். அதிலிருந்து கெங்கராம்பாளையத்தில் உள்ள தாய் வீட்டில் வசித்து வருகிறேன். எனது கணவரும் பேசுவதில்லை.

இந்த நிலையில், தற்போது ஊருக்கு வந்துள்ள எனது கணவா் நிா்மல்போஸிடம் செல்லிடப்பேசியில் பேச முயன்றும் முடியவில்லை. விசாரித்தபோது, எனது கணவருக்கு ஏற்கெனவே திருமணமானதை மறைத்து, என்னை ஏமாற்றி திருமணம் செய்து வைத்துள்ளனா். தற்போது வேறு திருமணம் செய்ய முயற்சிக்கின்றனா். இதுகுறித்து விழுப்புரம் மாவட்ட போலீஸாா் விசாரித்து நடவடிக்கை எடுக்க வேண்டும் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com