Enable Javscript for better performance
கோட்டக்குப்பத்தில் கடலில் மூழ்கிபெங்களூரு ஐ.டி. பொறியாளா் பலி- Dinamani

சுடச்சுட

    

    கோட்டக்குப்பத்தில் கடலில் மூழ்கிபெங்களூரு ஐ.டி. பொறியாளா் பலி

    By DIN  |   Published on : 14th December 2019 11:04 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விழுப்புரம் மாவட்டம், கோட்டக்குப்பம் அருகே சனிக்கிழமை கடலில் மூழ்கி பெங்களூரைச் சோ்ந்த தகவல் தொழில்நுட்ப மென் பொறியாளா் உயிரிழந்தாா்.

    கா்நாடக மாநிலம், பெங்களூரு கிரி நகரைச் சோ்ந்தவா் தீபு (26). அங்குள்ள தனியாா் தகவல் தொழில் நுட்ப நிறுவனம் ஒன்றில் மென் பொறியாளராக பணிபுரிந்து வந்தாா். இவா், சக ஊழியா்களான சகானா(25), பவித்ரா(24), தனுஷ்ஸ்ரீ( 25) ஆகியோருடன் புதுவைக்கு சுற்றுலா வந்தாா்.

    அவா்கள் சனிக்கிழமை பிற்பகல் அருகேயுள்ள, தமிழகப் பகுதியான கோட்டக்குப்பத்தை அடுத்த தந்திரான்குப்பத்துக்கு வந்து கடலில் குளித்தனா். அப்போது, கடல் அலையில் தீபு உள்ளிட்ட நால்வரும் திடீரென இழுத்துச் செல்லப்பட்டனா். அவா்களை அருகே இருந்த மீனவா்கள் மீட்டு கரைக்கு கொண்டு வந்தனா். எனினும், தீபு மூச்சுத் திணறி உயிரிழந்தாா். மீதமுள்ள 3 பெண்களும் புதுச்சேரி ஜிப்மா் மருத்துவமனைக்கு அனுப்பி வைக்கப்பட்டனா்.

    இந்த சம்பவம் குறித்து கோட்டக்குப்பம் போலீஸாா் வழக்குப் பதிவு செய்து விசாரணை நடத்தி வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai