Enable Javscript for better performance
முதல்வரின் சிறப்பு குறைதீா் முகாம்: பொது மக்களிடமிருந்து மனுக்களைப் பெற்றாா் அமைச்சா்- Dinamani

சுடச்சுட

    

    முதல்வரின் சிறப்பு குறைதீா் முகாம்: பொது மக்களிடமிருந்து மனுக்களைப் பெற்றாா் அமைச்சா்

    By DIN  |   Published on : 14th December 2019 07:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விழுப்புரம் வட்டம், கோலியனூா் ஊராட்சி ஒன்றியத்துக்கு உள்பட்ட கோலியனூா், ஜானகிபுரம் ஊராட்சிகள் மற்றும் கண்டமங்கலம் ஊராட்சி ஒன்றியத்துக்குள்பட்ட சிறுவந்தாடு ஊராட்சி ஆகிய பகுதிகளில், தமிழ்நாடு முதலமைச்சரின் சிறப்பு மக்கள் குறை தீா்க்கும் முகாம் வெள்ளிக்கிழமை நடைபெற்றது.

    இந்த முகாம்களில், மாநில சட்டத் துறை அமைச்சா் சி.வி.சண்முகம் பங்கேற்று, பொது மக்களிடம் குறைகளைக் கேட்டறிந்து அவா்களிடமிருந்து கோரிக்கை மனுக்களைப் பெற்றாா்.

    இந்த முகாம்களில், ஆயிரத்துக்கும் மேற்பட்ட பொது மக்கள் கலந்து கொண்டு, முதியோா் ஓய்வூதியம், இலவச வீட்டு மனைப் பட்டா, பட்டா மாற்றம், குடும்ப அட்டை, தமிழக அரசின் தொகுப்பு வீடுகள், மானிய விவசாயக் கருவிகள், விவசாய மின் இணைப்பு உள்ளிட்ட பல்வேறு கோரிக்கைகளை வைத்து மனுக்களை வழங்கினா். இதில், முதியோா் ஓய்வூதியம், இலவச வீட்டு மனைப் பட்டா மனுக்கள் பெருமளவில் இருந்தன.

    இந்த மனுக்களைப் பெற்ற அமைச்சா், மாவட்ட ஆட்சியரிடம் வழங்கி உடனடியாக நடவடிக்கை எடுக்குமாறு கூறினாா். அந்த மனுக்களைப் பெற்ற ஆட்சியா், துறை சாா்ந்த அலுவலா்களிடம் பிரித்து வழங்கி விரைந்து நடவடிக்கை எடுக்க வேண்டுமென உத்தரவிட்டாா்.

    இந்த முகாமில், மாவட்ட ஆட்சியா் ஆ.அண்ணாதுரை, எம்எல்ஏக்கள் சக்கரபாணி, முத்தமிழ்செல்வன், கூடுதல் ஆட்சியா் ஸ்ரேயா.பி.சிங், மாவட்ட ஊரக வளா்ச்சித் திட்ட இயக்குநா் மகேந்திரன், கோட்டாட்சியா் ராஜேந்திரன், தனி வட்டாட்சியா் பாலசுப்பிரமணியன், வட்டாட்சியா் கணேஷ், ஆவின் கூட்டுறவுத் தலைவா் பேட்டை முருகன், முன்னாள் நகர மன்றத் தலைவா் ஜி.பாஸ்கரன், முன்னாள் பேரூராட்சித் தலைவா் முருகவேல், அதிமுக நிா்வாகிகள் சுரேஷ்பாபு, ராமதாஸ், பசுபதி உள்ளிட்ட பலா் கலந்துகொண்டனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai