முகப்பு அனைத்துப் பதிப்புகள் விழுப்புரம் விழுப்புரம்
மாரியம்மன் கோயில் தேரோட்டம்
By DIN | Published On : 30th July 2019 10:12 AM | Last Updated : 30th July 2019 10:12 AM | அ+அ அ- |
கள்ளக்குறிச்சியை அடுத்த பிரிதிவிமங்கலம் கிராமத்தில் மாரியம்மன் கோயில் தேரோட்டம் திங்கள் கிழமை நடைபெற்றது.
பிரிதிவிமங்கலம் கிராமத்தில் அமைந்துள்ள மாரியம்மன் கோயிலில் ஆடித் திருவிழா நடைபெற்று வருகிறது. இதையொட்டி, திங்கள்கிழமை காலை பக்தர்கள் செவ்வாடை அணிந்து தீமிதித்து நேர்த்திக்கடன் செலுத்தினர்.
பிற்பகலில் தேரோட்டம் நடைபெற்றது. தேரில் சிறப்பு அலங்காரத்தில் மாரியம்மன் எழுந்தருளியதைத் தொடர்ந்து, பக்தர்கள், பொதுமக்கள் தேரை கிராமத்தில் உள்ள முக்கிய வீதிகள் வழியாக இழுத்துச் சென்றனர். வழிநெடுகிலும் ஏராளமான பக்தர்கள் கூடிநின்று அம்மனை வழிபட்டனர். ஏற்பாடுகளை விழாக் குழுவினர், பொதுமக்கள் செய்திருந்தனர்.
