Enable Javscript for better performance
ஆரணி மக்களவைத் தொகுதி அதிமுக வேட்பாளர் அறிமுகக் கூட்டம்: அமைச்சர் பங்கேற்பு- Dinamani

உடனுக்கு உடன் செய்திகள்

    ஆரணி மக்களவைத் தொகுதி அதிமுக வேட்பாளர் அறிமுகக் கூட்டம்: அமைச்சர் பங்கேற்பு

    By DIN  |   Published On : 24th March 2019 05:07 AM  |   Last Updated : 24th March 2019 05:07 AM  |  அ+அ அ-  |  


    ஆரணி மக்களவைத் தொகுதி அதிமுக வேட்பாளர் செஞ்சி வெ.ஏழுமலை அறிமுகக் கூட்டம் செஞ்சியில் சனிக்கிழமை நடைபெற்றது.
    கூட்டத்துக்கு செஞ்சி ஒன்றியச் செயலர் அ.கோவிந்தசாமி, மேல்மலையனூர் ஒன்றியச் செயலர் ஆர்.புண்ணியமூர்த்தி ஆகியோர் முன்னிலை வகித்தனர்.
    அதிமுக செஞ்சி நகரச் செயலர் வி.ஆர்.பிரித்விராஜ் வரவேற்றார். கூட்டத்துக்கு தலைமை வகித்து, அதிமுக வேட்பாளர் செஞ்சி வெ.ஏழுமலையை அறிமுகம் செய்து அமைச்சர் சி.வி.சண்முகம் பேசியதாவது: 
    ஜெயலலிதா மறைவுக்குப் பிறகு அதிமுக இருக்குமா, இருக்காதா என்ற கேள்வி எழுந்து வருகிறது. பல்வேறு சூழ்ச்சிகளுக்கு மத்தியில் ஜெயலலிதாவின் ஆசியோடும், தொண்டர்களின் ஆதரவோடும் முதல்வர் எடப்பாடி கே.பழனிசாமி தலைமையிலான அதிமுக அரசு  இரண்டாண்டு காலத்தை வெற்றிகரமாக நிறைவு செய்துள்ளது.
    அதிமுகவுக்கு எதிர்காலம் இல்லை என்று சொல்பவர்களுக்கு மத்தியில் அந்தக் கட்சியுடன் கூட்டணி வைத்துக்கொண்டால் நல்லது என்று அரசியல் கட்சிகள் எண்ணியதால், அதிமுக வலுவான கூட்டணியை உருவாக்கியுள்ளது. எனவே, வரும் தேர்தலில் ஆரணி தொகுதியில் அதிக வாக்குகள் வித்தியாசத்தில் வேட்பாளர் செஞ்சி வெ.ஏழுமலையை வெற்றி பெறச் செய்ய வேண்டும் என்றார்.
    கூட்டத்தில் தேமுதிக மாவட்டச் செயலர் எல்.வெங்கடேசன், பாமக முன்னாள் எம்.பி. துரை, எம்எல்ஏ தூசி மோகன், பாமக மாவட்டச் செயலர் ராஜேந்திரன், தேமுதிக பார்த்தசாரதி, சிவக்குமார், பாஜக மாவட்டச் செயலர் விநாயகம், மாநிலச் செயற்குழு உறுப்பினர் ராஜேந்திரன், பாமக கனல் பெருமாள், தமாகா மாநில துணை பொதுச்செயலர் வி.பி.என்.கோபிநாத், எம்ஜிஆர் மன்ற துணைச் செயலர் வி.ரங்கநாதன் உள்ளிட்ட கூட்டணிக் கட்சி நிர்வாகிகள் பலர் கலந்து கொண்டனர்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp