துளிா் திறனறிதல் தோ்வு:775 மாணவா்கள் பங்கேற்பு

விழுப்புரம் மாவட்டத்தில் சனிக்கிழமை நடைபெற்ற தமிழ்நாடு அறிவியல் இயக்கத்தின் மாநில அளவிலான துளிா் திறனறிதல் தோ்வில் 775 மாணவா்கள் பங்கேற்றனா்.

தமிழ்நாடு அறிவியல் இயக்கம் சாா்பில், மாணவா்களிடம் போட்டித் தோ்வு அனுபவம், பொது அறிவை வளா்ப்பதற்காக துளிா் திறனறிதல் தோ்வு ஆண்டுதோறும் நடத்தப்படுகிறது. அதன்படி, விழுப்புரம் மாவட்டத்தில் சனிக்கிழமை நடைபெற்ற தோ்வை 4-ஆம் வகுப்பு முதல் பிளஸ் 2 வரை பயிலும் 775 மாணவா்கள் எழுதினா். மாவட்டத்தில் மொத்தம் 20 தோ்வு மையங்கள் அமைக்கப்பட்டிருந்தன.

தோ்வில் பங்கேற்ற அனைத்து மாணவா்களுக்கும் பங்கேற்பு சான்றிதழ் வழங்கப்படும். மேலும், 4, 5-ஆம் வகுப்புகளைச் சோ்ந்த மாணவா்களுக்கு அறிவியல் புத்தகங்களும், 6 முதல் பிளஸ் 2 வரை பயிலும் மாணவா்களுக்கு ஓராண்டுக்கு துளிா் மாத இதழும் வழங்கப்படும்.

திறனறிதல் தோ்வில் மாவட்ட அளவில் முதல் 2 இடங்களைப் பிடிக்கும் மாணவா்கள், மாநில அளவிலான அறிவியல் சுற்றுலாவுக்கு அழைத்துச் செல்லப்படுவா்.

மரக்காணம் ஒன்றியம், கட்டளை ஊராட்சி ஒன்றிய நடுநிலைப் பள்ளியில் நடைபெற்ற துளிா் திறனறிதல் தோ்வை வட்டாரக் கல்வி அலுவலா் மு.சேகா், அறிவியல் இயக்க மாவட்டச் செயலா் சு.இளங்கோவன், மாவட்ட துளிா் ஒருங்கிணைப்பாளா் ச.சுகதேவ், தோ்வுக் கண்காணிப்பாளா் அருண்குமாா் உள்ளிட்டோா் பாா்வையிட்டு ஆய்வு செய்தனா்.