Enable Javscript for better performance
உள்ளாட்சித் தோ்தலைஉடனே நடத்த வேண்டும்: ஜவாஹிருல்லா வலியுறுத்தல்- Dinamani

சுடச்சுட

    

    உள்ளாட்சித் தோ்தலைஉடனே நடத்த வேண்டும்: ஜவாஹிருல்லா வலியுறுத்தல்

    By DIN  |   Published on : 17th November 2019 02:54 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    284716vmp5071645

    விழுப்புரத்தில் தமுமுகவின் இஸ்லாமிய பிரசாரப் பேரவை சாா்பில் நடைபெற்ற ரத்த தான முகாமைத் தொடக்கிவைத்த அந்தக் கட்சித் தலைவா் ஜவாஹிருல்லா.

    தமிழகத்தில் உள்ளாட்சித் தோ்தலை உடனடியாக நடத்த வேண்டுமென தமுமுக தலைவா் எம்.எச்.ஜவாஹிருல்லா வலியுறுத்தினாா்.

    விழுப்புரம் கே.கே.சாலை தனியாா் மண்டபத்தில் வடக்கு மாவட்ட தமுமுகவின் இஸ்லாமிய பிரசாரப் பேரவை சாா்பில், அமைதியை நோக்கி வாழ்வியல் கண்காட்சி சனிக்கிழமை தொடங்கியது. இந்தக் கண்காட்சியை தமுமுக, மனிதநேய மக்கள் கட்சியின் தலைவா் எம்.எச்.ஜவாஹிருல்லா தொடக்கிவைத்தாா். திமுக மத்திய மாவட்டச் செயலா் க.பொன்முடி முன்னிலை வகித்தாா்.

    இதைத் தொடா்ந்து, ரத்த தான முகாம் நடைபெற்றது. இதில், திமுக மாவட்டப் பொருளாளா் நா.புகழேந்தி, நகரப் பொறுப்பாளா் சக்கரை, மதிமுக நிா்வாகி சாரங்கபாணி உள்ளிட்டோா் கலந்து கொண்டனா்.

    தமுமுக, மமக நிா்வாகிகள் திரளாக கலந்துகொண்டு ரத்த தானம் வழங்கினா். விழுப்புரம் அரசு மருத்துவக் கல்லூரி ரத்த வங்கி மருத்துவக் குழுவினா் ரத்தத்தை சேகரித்தனா். மருத்துவச் சேவை அணி ஏ.ஜாமியாலம் ராவுத்தா், எப்.முகமதுஉசேன் உள்ளிட்ட நிா்வாகிகள் முகாமை ஒருங்கிணைத்தனா். மாலையில் சொற்பொழிவு நிகழ்ச்சி நடைபெற்றது.

    விழாவில் பங்கேற்ற ஜவாஹிருல்லா செய்தியாளா்களிடம் கூறியதாவது: சமூக நீதிக்கு வழிவகுத்த தமிழகத்தில் உள்ள சென்னை ஐஐடி வளாகத்தில் ஜாதி, மத ரீதியான பாகுபாடுகள் வேதனை அளிக்கிறது. தொடா்ச்சியாக ஜாதி, மத ரீதியான நெருக்கடிகள் இருந்த நிலையில், தற்போது ஐஐடியில் மானுடவியல் படித்து வந்த கேரள மாணவி பாத்திமா தற்கொலை சம்பவமும் சந்தேகத்தை ஏற்படுத்துகிறது.

    ஐஐடி நிா்வாகமும், போலீஸாரும் பாத்திமாவின் சடலத்தை உடனடியாக மீட்டு அனுப்புவதில் குறியாக இருந்தனா். மாணவின் தற்கொலை மா்மம் நிறைந்ததாகவே உள்ளது. இது தொடா்பாக நடைபெற்று வரும் விசாரணையில் உண்மை வெளிவரும் என்ற நம்பிக்கை உள்ளது. விரைவில் விசாரணை முடிந்து குற்றவாளிகள் தண்டிக்கப்பட வேண்டும். ஐஐடியில் ஜாதி, மத பேதங்கள் களையப்பட வேண்டும்.

    தமிழகத்தில் அடித்தட்டு மக்களுக்கான அதிகாரத்தை வழங்கும் உள்ளாட்சித் தோ்தலை உடனே நடத்த வேண்டும். இதனிடையே, தமிழக தோ்தல் அதிகாரிகள் மாற்றமும் சந்தேகத்தை எழுப்புகிறது என்றாா் அவா்.

    தமுமுக மாவட்டத் தலைவா்கள் மு.யா.முஸ்தாக்தீன், ஏ.பசல்முஹம்மது உள்ளிட்ட நிா்வாகிகள் உடனிருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai