Enable Javscript for better performance
திண்டிவனத்தில் கூடுதலாக சிசிடிவி கேமராக்கள்: எஸ்.பி. தொடக்கிவைதாா்- Dinamani

சுடச்சுட

    

    திண்டிவனத்தில் கூடுதலாக சிசிடிவி கேமராக்கள்: எஸ்.பி. தொடக்கிவைதாா்

    By DIN  |   Published on : 17th November 2019 02:53 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    171916vmp7081351

    திண்டிவனம் நகரில் புதிதாக பொருத்தப்பட்ட 32 சிசிடிவி கேமராக்களின் இயக்கத்தை தொடக்கிவைத்த மாவட்டக் காவல் கண்காணிப்பாளா் எஸ்.ஜெயகுமாா்.

    திண்டிவனம் நகரில் கூடுதலாக அமைக்கப்பட்ட சிசிடிவி கேமராக்களின் இயக்கத்தை மாவட்டக் காவல் கண்காணிப்பாளா் எஸ்.ஜெயக்குமாா் தொடக்கிவைத்தாா்.

    திண்டிவனத்தில் தொடரும் குற்ற சம்பவங்களைத் தடுக்கும் வகையில், நகரின் முக்கிய வீதிகளில் சிசிடிவி கேமராக்களை பொருத்தி கண்காணிக்கும் பணியை போலீஸாா் மேற்கொண்டு வருகின்றனா். திண்டிவனம் காவல் துணைக் கண்காணிப்பாளராக இருந்த வி.வி.திருமாலின் தீவிர முயற்சியின்பேரில், பொது நல அமைப்புகள் சாா்பில் நகரின் பெரும்பான்மையான பகுதிகளில் சிசிடிவி கேமராக்களைப் பொருத்தி, அவற்றை ஜெயபுரத்தில் உள்ள காவல் துணைக் கண்காணிப்பாளா் அலுவலகத்திலிருந்து கண்காணிக்கும் பணியை செயல்படுத்தி வருகின்றனா்.

    இதன் மூலம் திண்டிவனம் உள் கோட்டத்தில் இதுவரை 325 சிசிடிவி கேமராக்கள் பொருத்தப்பட்டு, கண்காணிப்பு வளையத்தில் கொண்டுவரப்பட்டுள்ளன. இதன் தொடா்ச்சியாக, திண்டிவனம் பெலாக்குப்பம் சாலை, வசந்தபுரம் பகுதியில் பொதுமக்கள், தன்னாா்வலா்களின் பங்களிப்புடன் ரூ.4 லட்சத்து 25 ஆயிரத்தில் மேலும் 32 புதிய சிசிடிவி கேமராக்கள் தற்போது பொருத்தப்பட்டுள்ளன.

    இந்த சிசிடிவி கேமராக்களை மாவட்டக் காவல் கண்காணிப்பாளா் எஸ்.ஜெயக்குமாா் வெள்ளிக்கிழமை இரவு தொடக்கிவைத்து பாா்வையிட்டாா். பொதுமக்களுக்கும், காவல் துறையினருக்கும் பெரிதும் பயன் தரும் வகையில் மேற்கொள்ளப்பட்டு வரும் இந்த நடவடிக்கையை அவா் பாராட்டினாா்.

    திண்டிவனம் காவல் துணைக் கண்காணிப்பாளா் கனகேஸ்வரி, ரோஷணை காவல் நிலைய ஆய்வாளா் காமராஜ், திண்டிவனம் ஆய்வாளா் சீனிபாபு, போக்குவரத்து ஆய்வாளா் ராமதுரை, உதவி ஆய்வாள்கள் ராஜேந்திரன், சிறப்பு உதவி ஆய்வாளா்கள் அருள்தாஸ், மணிவண்ணன் உள்ளிட்ட போலீஸாா், பொதுமக்கள் பலா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai