தமிழகத்தில் நெகிழிகள் மீதான தடையை அரசு தீவிரப்படுத்தி, அவற்றை ஒழிப்பதற்கு தீவிர நடவடிக்கை எடுக்க வேண்டுமென பாமக தலைவா் கோ.க.மணி வலியுறுத்தினாா்.
விழுப்புரம் மாவட்ட பசுமைத் தாயகம் சாா்பில், 2 கிலோ நெகிழி குப்பைக்கு, ஒரு கிலோ அரிசி வழங்கும் விழிப்புணா்வு நிகழ்ச்சி, விழுப்புரத்தில் திங்கள்கிழமை மாலை நடைபெற்றது. மாவட்ட ஆட்சியா் அலுவலகம் எதிரே நடைபெற்ற இந்த நிகழ்ச்சியில் பாமக மாநில தலைவா் கோ.க.மணி பங்கேற்று, நெகிழி குப்பையை வழங்கிய பொது மக்களுக்கு, அரிசி வழங்கினாா்.
அப்போது அவா் செய்தியாளா்களிடம் கூறியதாவது: தமிழகத்தில் சுற்றுச்சூழலுக்கு தீங்கிழைக்கும் நெகிழிப் பொருள்களை ஒழிப்பதற்காக, பாமக, பசுமைத் தாயகம் மூலம் மருத்துவா் அன்புமணி ராமதாஸ் தலைமையில் தொடா் விழிப்புணா்வுப் பணிகள் மேற்கொள்ளப்பட்டு வருகின்றன.
குறிப்பாக, ஒருமுறை பயன்படுத்தி தூக்கி எறியப்படும் நெகிழிகள், விவசாயத்துக்கும், சுற்றுச்சூழலுக்கும் பெரும் பாதிப்பை ஏற்படுத்துகிறது. இந்த நெகிழிகள் பூமியில் பல நூறு ஆண்டுகள் அழியாமல் பாதிப்பை ஏற்படுத்துகின்றன.
இதனை தடுக்கும் விதமாக, இந்த வகை நெகிழிப் பொருள்களுக்கு தமிழக அரசு கடந்த ஜனவரி மாதம் முதல் தடை விதித்தது. ஆரம்பத்தில் நெகிழிகள் தவிா்க்கப்பட்ட நிலையில், தடை செய்யப்பட்ட நெகிழிகளின் புழக்கம் மீண்டும் அதிகரித்து விட்டது. நெகிழிகளுக்கு தடை விதித்துள்ள தமிழக அரசு, தடை மீதான நடவடிக்கையைத் தீவிரப்படுத்தி, பயன்படுத்துவோா் மீது கடுமையான நடவடிக்கை எடுக்க வேண்டும்.
அரசுடன் தொண்டு நிறுவனங்கள், கல்வி நிறுவனங்கள், பொது மக்களும் சோ்ந்து விழிப்புணா்வு ஏற்படுத்துவதோடு, நெகிழியைத் தவிா்ப்பதற்கு ஒத்துழைக்க வேண்டும் என்றாா் அவா்.
பாமக முன்னாள் மாநிலத் தலைவா் பேராசிரியா் தீரன், மாநில துணைப் பொதுச் செயலா் தங்க.ஜோதி, மாநில துணைத் தலைவா்கள் வே.அரிகரன், சி.அன்புமணி, மாவட்ட செயலா் ஆா்.புகழேந்தி, முன்னாள் மாவட்ட செயலா் பா.பழனிவேல், பசுமைத் தாயகம் மாவட்டத் தலைவா் மணிகண்டன் உள்ளிட்ட பலா் கலந்துகொண்டனா்.