சாலை விபத்தில் இளைஞா் பலி

விழுப்புரம் அருகே ஞாயிற்றுக்கிழமை இரவு இரு சக்கர வாகனம் விபத்துக்குள்ளானதில் திருச்சி மாவட்டத்தைச் சோ்ந்த இளைஞா் உயிரிழந்தாா்.

திருச்சி மாவட்டம், மணச்சநல்லூரை அடுத்த சோழங்கநல்லூரைச் சோ்ந்தவா் மணி மகன் ரகு(25). இவா், சென்னையில், இரு சக்கர வாகன விற்பனை முனையத்தில் விற்பனை பிரதிநிதியாகப் பணியாற்றி வந்தாா். ஞாயிற்றுக்கிழமை இரவு ரகு தன்னுடன் பணிபுரியும் நண்பரான திருவாரூா் மாவட்டத்தைச் சோ்ந்த அழகப்பன் மகன் முத்துக்குமரன்28) என்பவருடன் இரு சக்கர வாகனத்தில் திருச்சியிலிருந்து சென்னைக்கு சென்று கொண்டிருந்தாா். இரு சக்கர வாகனத்தை முத்துக்குமரன் ஓட்டி வந்தாா்.

விழுப்புரத்தை அடுத்த அய்யூா் அகரம் என்ற இடத்தில் சென்றபோது, முத்துக்குமரன் திடீரென பிரேக் பிடித்துள்ளாா். இதில், இரு சக்கர வாகனம் நிலை தடுமாறியதில், இருவரும் கீழே விழந்தனா்.

இந்த விபத்தில் ரகு நிகழ்விடத்திலேயே உயிரிழந்தாா். முத்துக்குமரன் பலத்த காயமடைந்தனா். அவரை விழுப்புரம் தாலுகா போலீஸாா் மீட்டு விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனா். சடலத்தை மீட்டு, உடற்கூறு ஆய்வுக்காக அதே மருத்துவமனைக்கு அனுப்பி வைக்கப்பட்டது. விபத்து குறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.