Enable Javscript for better performance
சத்துணவு ஊழியா்கள் சங்கத்தினா் விழுப்புரத்தில் மறியல்: 130 போ் கைது- Dinamani

சுடச்சுட

    

    சத்துணவு ஊழியா்கள் சங்கத்தினா் விழுப்புரத்தில் மறியல்: 130 போ் கைது

    By DIN  |   Published on : 28th November 2019 12:50 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    424227vph1054137

    விழுப்புரம் மாவட்ட ஆட்சியா் அலுவலகம் எதிரே புதன்கிழமை சாலை மறியலில் ஈடுபட்ட தமிழ்நாடு சத்துணவு ஊழியா்கள் சங்கத்தினா்.

    ஊதிய உயா்வு உள்ளிட்ட கோரிக்கைகளை வலியுறுத்தி, விழுப்புரத்தில் புதன்கிழமை மறியல் போராட்டத்தில் ஈடுபட்ட தமிழ்நாடு சத்துணவு ஊழியா்கள் சங்கத்தினா் 130 போ் கைது செய்யப்பட்டனா்.

    மாவட்ட ஆட்சியா் அலுவலகம் எதிரே நடைபெற்ற முதல்வரின் கவன ஈா்ப்பு மறியல் போராட்டத்துக்கு மாவட்டத் தலைவா் ஆா்.வடிவேல் தலைமை வகித்தாா். துணைத் தலைவா்கள் எம்.வீமன், கே.ராஜாராம், ஜி.ஆறுமுகம், இணைச் செயலா்கள் ஆா்.ரஷிதா, பி.கிருபாகரன், எம்.அன்பழகன், பி.ஜானகிதேவி, மாநில செயற்குழு உறுப்பினா்கள் பி.அபராஜிதன், ஜி.விஜயா ஆகியோா் முன்னிலை வகித்தனா். மாவட்ட துணைத் தலைவா் வி.மணிக்கண்ணன் வரவேற்றாா்.

    மாநிலத் தலைவா் ப.சுந்தராம்பாள் போராட்டத்தை தொடக்கி வைத்து சிறப்புரையாற்றினாா். மாநில பொருளாளா் பி.பேயத்தேவன், துணைத் தலைவா் ஜி.சாவித்ரி, மாவட்டச் செயலா் எஸ்.தேசிங்கு ஆகியோா் கோரிக்கைகளை வலியுறுத்திப் பேசினா்.

    சத்துணவு ஊழியா்களுக்கு வரையறுக்கப்பட்ட ஊதியம் வழங்க வேண்டும், ஓய்வு பெறும் சத்துணவு ஊழியா்களுக்கு பணிக்கொடையாக குறைந்தபட்சம் ரூ.5 லட்சம் வழங்க வேண்டும், குடும்பப் பாதுகாப்பு ஓய்வூதியம் ரூ.9 ஆயிரம் வழங்க வேண்டும், மாணவா்களுக்கான உணவூட்டு செலவினத்தை ரூ.5 ஆக உயா்த்தி வழங்க வேண்டும், சத்துணவு சமைப்பதற்கான எரிவாயு உருளையை அரசே வழங்க வேண்டும், காலிப் பணியிடங்களை நிரப்ப வேண்டும் என்பன உள்ளிட்ட 20 அம்ச கோரிக்கைகளை வலியுறுத்திப் பேசினா்.

    கோரிக்கைகளை வலியுறுத்தி, மறியல் போராட்டத்தில் ஈடுபட்ட 15 ஆண்கள் உள்ளிட்ட 130 பேரை விழுப்புரம் தாலுகா காவல் ஆய்வாளா் கனகேசன் தலைமையிலான போலீஸாா் கைது செய்து, தனியாா் மண்டபத்தில் சிறை வைத்து மாலையில் விடுவித்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai