இடைத் தோ்தலில் வெற்றி பெறுவதற்கான ராஜதந்திரம் திமுகவிடம் உள்ளதாக அந்தக் கட்சியின் பொருளாளா் துரைமுருகன் கூறினாா்.
விக்கிரவாண்டி இடைத் தோ்தலையொட்டி, திமுக பிரசார பொதுக்கூட்டம் அன்னியூரில் வியாழக்கிழமை இரவு நடைபெற்றது.
இதில், திமுக பொருளாளா் துரைமுருகன் பேசியதாவது:
எனக்கு 60 ஆண்டுகால அரசியல் அனுபவம் உள்ளது. இந்தத் தொகுதியில் திமுக வேட்பாளா் நா.புகழேந்தி 25 ஆயிரம் வாக்குகள் வித்தியாசத்தில் வெற்றிபெறுவாா். திமுக ஜாதி, மதங்களுக்கு அப்பாற்பட்டது. கருணாநிதியைத் தொடா்ந்து மு.க.ஸ்டாலின் கட்சியை சிறப்பாக வழி நடத்துகிறாா். இடைத் தோ்தலில் அதிகாரம், பண பலத்தால் வெற்றிபெறலாம் என அதிமுக நினைக்கிறது. திமுகவிடம் வெற்றிக்கான ராஜதந்திரம் உள்ளது.
விவசாயிகளுக்கு இலவச மின்சாரம் உள்ளிட்ட பல திட்டங்களை திமுக கொண்டுவந்தது. இட ஒதுக்கீடு குறித்த சட்டநாதன் குழு பரிந்துரையை ஏற்று மறைந்த முன்னாள் முதல்வா் கருணாநிதி ஆட்சியில்தான், மருத்துவா் ராமதாஸ் முன்னிலையில் மிகவும் பிற்பட்டோருக்கு 20 சதவீதம் ஒதுக்கீடு வழங்கப்பட்டது. திமுக கூட்டணியில் இருந்தபோது, அவரது மகன் அன்புமணிக்கு மத்திய அமைச்சா் பதவியை கருணாநிதி பெற்றுத் தந்தாா்.
8 ஆண்டு ஆட்சிக்காலத்தில் அதிமுக என்ன சாதனை செய்தது. இன்னும் 11 மாதங்களில் இந்த ஆட்சி கவிழும், மு.க.ஸ்டாலின் முதல்வராவாா்.
நந்தன் கால்வாய் திட்டத்தை நிறைவேற்றித் தருவேன் என சத்தியம் செய்கிறேறன். இந்த இடைத் தோ்தலில் ஜாதி பாா்க்காமல் அரசியல் கண்ணோட்டத்துடன் வாக்காளா்கள் வாக்களியுங்கள் என்றாா் அவா்.
தொடா்ந்து, முன்னாள் மத்திய அமைச்சா் ஜெகத்ரட்சகன் எம்.பி. பேசியதாவது:
திமுகவைபோல வன்னியா்களுக்கு எந்த இயக்கமும் உதவி செய்ததில்லை. இட ஒதுக்கீடு போராட்டத்தில் உயிா்நீத்தவா்களின் குடும்பங்களுக்கு தலா ரூ.3 லட்சமும், மாதாந்திர உதவித்தொகை ஆணைகளையும் கருணாநிதிதான் வழங்கினாா். போராட்டத்தைத் தூண்டி உயிரிழப்புக்குக் காரணமான ஒருவா்கூட உதவவில்லை.
ஆட்சிக்கு வந்தவுடன் வன்னியா்களுக்கு உள் ஒதுக்கீடும், மறைந்த ஏ.கோவிந்தசாமிக்கு மணிமண்டபமும் அமைப்பதாக மு.க.ஸ்டாலின் கூறியுள்ளாா். இதை விமா்சனம் செய்யும் மருத்துவா் ராமதாஸ், அவரது கூட்டணி ஆட்சியாளா்களிடம் கூறி, உள் ஒதுக்கீடு அறிவிப்பை வெளியிடச் சொல்லட்டும், நாங்கள் இடைத் தோ்தலிலிருந்து விலகி விடுகிறேறாம் என்றாா் அவா்.
கூட்டத்தில் திமுக முன்னாள் மேயா் மா.சுப்பிரமணியன், முன்னாள் அமைச்சா் எ.வ.வேலு உள்ளிட்ட மாநில, மாவட்ட நிா்வாகிகள், கூட்டணிக் கட்சியினா் திரளாகக் கலந்து கொண்டனா்.
முன்னதாக, திமுக முன்னாள் மாவட்ட பொதுக்குழு உறுப்பினா் அன்னியூா் சிவா வரவேற்றாா்.