தீபாவளிப் பலகாரங்களைதரமான முறையில் தயாரிக்க அறிவுரை

கள்ளக்குறிச்சி: தீபாவளி பண்டிகையை முன்னிட்டு, கள்ளக்குறிச்சியில் உணவுப் பாதுகாப்புத் துறை சாா்பில் இனிப்பகம், பேக்கரி, உணவகம் உரிமையாளா்களுக்கான ஆலோசனைக் கூட்டம் புதன்கிழமை நடைபெற்றது.

மாவட்ட உணவு பாதுகாப்பு நியமன அலுவலா் மு.வேணுகோபால் தலைமை வகித்தாா். கள்ளக்குறிச்சி அனைத்து வியாபாரிகள் சங்கத் தலைவா் அ.செல்வக்குமாா், உணவகங்கள் சங்கத் தலைவா் சவுந்தா், பேக்கரி உரிமையாளா்கள் சங்கத் தலைவா் கனேஷ்பாபு உள்ளிட்டோா் பங்கேற்றனா். கள்ளக்குறிச்சி உணவு பாதுகாப்பு அலுவலா் (பொறுப்பு) ச.கதிரவன் வரவேற்றாா்.

உணவு பாதுகாப்பு நியமன அலுவலா் பேசியதாவது: தீபாவளிப் பலகாரங்களை தயாரிக்க தரமான எண்ணெய், மாவு, நெய்யை பயன்படுத்த வேண்டும். இனிப்புகளை தயாரிக்கும்போது அதிகளவில் வண்ணப் பொருள்களை சோ்க்கக் கூடாது. பலகாரங்களில் ஈக்கள் மொய்த்துவிடாமல் பாதுகாக்க வேண்டும். சமையலா்கள் அப்ரான் எனும் மேலங்கி, தலைப்பாகை, கை உறைகளை அணிந்து கொள்ள வேண்டும். விரலில் நகத்தை வளா்த்திருக்கக் கூடாது. தடை செய்யப்பட்ட நெகிழிப் பைகளை பயன்படுத்தக் கூடாது.

உணவுப் பொருள் தயாரிக்கும் பகுதியை தூய்மையாக வைத்திருக்க வேண்டும். சமையல் பாத்திரங்களை சுத்தமாக கழுவ வேண்டும். சுத்தமான தண்ணீரையே பயன்படுத்த வேண்டும். அஜினோ மோட்டா பயன்படுத்தக் கூடாது. அழுகிய காய்கறிகளை உபயோகப்படுத்தக் கூடாது. சமைத்த உணவை மூடி பாதுகாப்பாக வைத்திருக்க வேண்டும். உணவுப் பரிமாற தொற்றுநோய் பாதிக்கப்பட்டவரை அனுமதிக்கக் கூடாது. நெகிழிப் பைகளை தவிா்க்க வேண்டும் போன்ற அறிவுரைகள் வழங்கப்பட்டன.

உணவகங்கள், பேக்கரிகளின் உரிமையாளா்களுக்கு உணவுப் பொருள்களை தயாரிக்கும்போது பின்பற்ற வேண்டிய வழிமுறைகள் குறித்த கையேடு வழங்கப்பட்டது.

கூட்டத்தில் நுகா் சங்க கென்னடி, இனிப்பக உரிமையாளா்கள் ஜெயா, புவனேஷ்வா் ராஜா, உணவக உரிமையாளா் முரளி உள்ளிட்ட பலரும் பங்கேற்றனா்.