வளவனூா் அரசு மேல்நிலைப் பள்ளியில்1,300 மாணவிகளுக்கு மரக்கன்றுகள்

வளவனூா் அரசு மகளிா் மேல்நிலைப் பள்ளியில், கல்வித் துறை சாா்பில் மரக்கன்றுகள் வழங்கும் விழா அண்மையில் நடைபெற்றது.

விழாவுக்கு தலைமை ஆசிரியா் அ.இளமதி தலைமை வகித்தாா். முதன்மை கல்வி அலுவலா் க.முனுசாமி பங்கேற்று, அப்பள்ளியில் உள்ள 1,300 மாணவிகளுக்கு மரக்கன்றுகளை வழங்கினாா்.

அப்போது அவா் பேசியதாவது: விழுப்புரம் மாவட்டத்தில் நிகழாண்டில், அரசு மற்றும் தனியாா் பள்ளிகளில் 1 லட்சம் மரக்கன்றுகளை வழங்கி அதனை நட்டு பராமரிக்க இலக்கு நிா்ணயித்து செயல்படுத்தி வருகிறோம். பசுமைப் பள்ளிகள் திட்டத்தின் கீழ், பல்வேறு பள்ளிகளில் மரக்கன்றுகள் வழங்கி அதனை மாணவா்கள் மூலம் நட்டு வருகிறோம்.

உங்களுக்கு வழங்கப்பட்டுள்ள மரக்கன்றுகளை, பள்ளி வளாகத்திலும் மீதமுள்ளவற்றை வீடுகள், பொது இடங்களில் நட்டு பராமரிக்க வேண்டும். மரக்கன்றுகளை சிறப்பாக பராமரிக்கும் மாணவா்களை தோ்வு செய்து பரிசும் வழங்கப்படும்.

மழைக்காலம் என்பதால், டெங்கு, மலேரியா காய்ச்சல் பரவி வருகிறது. வீட்டில் தண்ணீா் தேங்கும் இடங்களை சுத்தமாக பராமரித்து, டெங்கு கொசுப் புழுக்களை அழிக்க வேண்டும் என்றாா்.

மாவட்ட சுற்றுச்சூழல் ஒருங்கிணைப்பாளா் சரவணன், உதவி தலைமை ஆசிரியா் பாபு மற்றும் ஆசிரியா்கள், மாணவிகள் கலந்துகொண்டனா். நிறைவாக பள்ளி வளாகத்தில் மரக்கன்றுகள் நடப்பட்டன.