செஞ்சி அருகே பதினாறாம் நூற்றாண்டு கல்வெட்டு

விழுப்புரம் மாவட்டம் செஞ்சி அருகே 16-ஆம் நூற்றாண்டைச் சாா்ந்த விஜயநகர ஆட்சி கால கல்வெட்டுக் குறிப்புகள் கண்டறியப்பட்டன.

செஞ்சிக்கோட்டை தொல்லியல் விழிப்புணா்வு மன்ற நிறுவனா் பெ.லெனின், மன்ற சிறப்பு உறுப்பினா் ஆசிரியா் சா.வடிவேல், மன்றத் தலைவா் ராஜாதேசிங்கம் மற்றும் அன்னமங்கலம் தலைமை ஆசிரியா் முனுசாமி ஆகியோா் செஞ்சியில் இருந்து சுமாா் 4 கி.மீ. தொலைவில் உள்ள ராஜாம்புலியூா் மலையின் வடக்கு சரிவின் தரைப்பகுதியில்

தொல்லியல் கள ஆய்வு மேற்கொண்டனா். அப்போது, ஒரு பாறையில் கல்வெட்டுக் குறிப்பை கண்டறிந்தனா்.

இதுகுறித்து தொல்லியல் விழிப்புணா்வு மன்ற நிறுவனா் பெ.லெனின் கூறியதாவது: கல்வெட்டில், திருவரங்கம் ரங்கநாத சுவாமியாருக்கு அச்சு தப்ப நாயக்கா் திருப்பணி உபயம் ராசாம்புலியூா் என குறிக்கப்பட்டுள்ளது. அதாவது, செஞ்சி விஜயநகர ஆட்சிக்கு உள்பட்டு இருந்த காலத்தில், 16-ஆம் நூற்றாண்டில் ஆட்சி செய்த அச்சுப்ப நாயக்கா் மேற்படி ராசாம்புலியூரை ஸ்ரீரங்கம் அரங்கநாதசுவாமி ஆலய திருப்பணிக்காக நன்கொடையாக வழங்கிய செய்தியை குறிக்கிறது என்றாா் அவா்.