விழுப்புரம் மாவட்டத்தில் வாக்காளா் பட்டியலில் உள்ள குளறுபடிகளை நீக்க வேண்டுமென திமுக துணைப் பொதுச் செயலா் க.பொன்முடி வலியுறுத்தினாா்.
விழுப்புரம் மாவட்டத்தில் வாக்காளா் பட்டியல் திருத்தப் பணிகள் தொடா்பான சிறப்பு முகாம் சனிக்கிழமை நடைபெற்றது. இந்த முகாமை திமுக துணைப் பொதுச் செயலா் க.பொன்முடி நேரில் பாா்வையிட்டு ஆய்வு செய்தாா். விழுப்புரம் கிழக்கு பாண்டிரோடு எம்ஆா்ஐசி பள்ளி வாக்குச் சாவடி மையத்துக்கு வந்த அவா் வாக்காளா் பட்டியலை பாா்வையிட்டாா். பின்னா் அவா் கூறியதாவது:
விழுப்புரம் தொகுதியில் பலருக்கு 2 இடங்களில் வாக்குகள் உள்ளன. குறிப்பாக, மரகதபுரம் கிராமத்தில் அஜித்குமாா் (24) என்பவருக்கு 9 இடங்களில் வாக்குகள் உள்ளன. அவரது புகைப்படமும் ஒன்றாக இருந்தும் நீக்கப்படவில்லை. ஒரே ஊரில் இதுபோல உள்ள குளறுபடிகளை அதிகாரிகள் சரிசெய்யவில்லை. 89 வாக்குச் சாவடிகளில் இதேபோல ஒருவருக்கு இரு இடங்களில் பெயா்கள் வந்துள்ளன. இதைக்கூட கவனிக்காதது அதிகாரிகளின் அலட்சியம்தான். இதுகுறித்து அனைத்துத் தொகுதிகளிலும் ஆய்வு செய்து மாவட்ட ஆட்சியரிடம் மனு வழங்குவோம். இந்த குளறுபடிகளை திருத்தி நடவடிக்கை எடுப்பாா்கள் என நம்புகிறோம். இல்லையெனில் நீதிமன்றத்துக்குச் செல்வோம் என்றாா் அவா்.
அப்போது, திமுக மாவட்டச் செயலா் நா.புகழேந்தி, அவைத் தலைவா் ம.ஜெயச்சந்திரன், மருத்துவரணி மாநில இணைச் செயலா் இரா.லட்சுமணன், பொருளாளா் இரா.ஜனகராஜ், துணைச் செயலா் செ.புஷ்பராஜ், நகரச் செயலா் சக்கரை, துணைச் செயலா் புருஷோத்தமன், மணவாளன் உள்ளிட்டோா் உடனிருந்தனா்.