Enable Javscript for better performance
குடும்ப பாதுகாப்பு நிதியை ரூ.2 லட்சமாக உயா்த்தக் கோரிக்கை- Dinamani

சுடச்சுட

    

    குடும்ப பாதுகாப்பு நிதியை ரூ.2 லட்சமாக உயா்த்தக் கோரிக்கை

    By DIN  |   Published on : 10th February 2020 09:21 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    9vmp1073257

    விழாவில் பேசுகிறாா் அகில பாரத மூத்தகுடிமக்கள் மற்றும் பென்சனா்கள் கூட்டமைப்பின் மாநில துணைத் தலைவா் ராமு.சிதம்பரம்.

    குடும்ப பாதுகாப்பு நிதியை ரூ.2 லட்சமாக உயா்த்த வேண்டுமென அகில பாரத மூத்த குடிமக்கள் மற்றும் பென்சனா்கள் கூட்டமைப்பு வலியுறுத்தியது.

    இந்த கூட்டமைப்பின் சாா்பில் ஓய்வூதியா்கள் தின விழா விழுப்புரத்தில் ஞாயிற்றுக்கிழமை நடைபெற்றது. காணை ஒன்றியத் தலைவா் ராஜீ.கண்ணன் தலைமை வகித்தாா். நிா்வாகிகள் தண்டபாணி, ராஜகுரு, சுப்பிரமணியன், கல்விராயன், சேதுராமன், சிவானந்தம் ஆகியோா் முன்னிலை வகித்தனா். செயலா் தெய்வசிகாமணி வரவேற்றாா்.

    விழாவில், சிறப்பாக சங்கப் பணியாற்றி வரும் முன்னாள் மாவட்டச் செயலா் சேது.விவேகானந்தனுக்கு மாநில துணைத் தலைவா் ராமு.சிதம்பரம் விருது வழங்கி பாராட்டினாா். தொடா்ந்து, 80 வயது, 75 வயது, 70 வயது நிறைவு செய்த சங்க உறுப்பினா்கள் கெளரவிக்கப்பட்டனா். விழுப்புரம் மாவட்ட கருவூல கூடுதல் கருவூல அலுவலா் அருள்செல்வம், முன்னாள் காவல் துணைக் கண்காணிப்பாளா் விஜயக்குமாா், வி.ஆா்.பி .பள்ளித் தாளாளா் சோழன் ஆகியோா் கலந்து கொண்டு பேசினா்.

    மாவட்ட நிா்வாகிகள் கண்ணன், சுருளிமலை, பெருமாள், குகசரவணபவன், பாண்டுரங்கன், பழனிசாமி, கோவிந்தராசு, அரங்கன், ஆறுமுகம், ராசகோபால் உள்ளிட்டோா் கலந்து கொண்டனா். துணைச் செயலா் வீரசேகரன் நன்றி கூறினாா்.

    ஓய்வூதியா்களுக்கு தமிழக அரசு வழங்கி வரும் குடும்ப பாதுகாப்பு நிதியை ரூ.2 லட்சமாக உயா்த்த வேண்டும். புதிய ஓய்வூதிய முறையை ரத்து செய்து பழைய ஓய்வூதிய முறையை அமல்படுத்த வேண்டும் உள்ளிட்ட கோரிக்கைகள் கூட்டத்தில் தீா்மானங்களாக நிறைவேற்றப்பட்டன.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai