Enable Javscript for better performance
தென்னிந்திய அளவிலான கராத்தே போட்டி- Dinamani

சுடச்சுட

    

    தென்னிந்திய அளவிலான கராத்தே போட்டி

    By DIN  |   Published on : 23rd February 2020 10:25 PM  |   அ+அ அ-   |    |  

    23vpn34083301

    விழுப்புரத்தில் ஞாயிற்றுக்கிழமை நடைபெற்ற தென்னந்திய அளவிலான கராத்தே போட்டியில் 400-க்கும் மேற்பட்ட மாணவ, மாணவிகள் ஆா்வமுடன் பங்கேற்றனா்.

    அகில இந்திய புஷி ஷிட்டோ ரியோ கராத்தே சங்கம் சாா்பில் தென்னிந்திய அளவிலான கராத்தே போட்டி விழுப்புரம், பெருந்திட்ட வளாகத்தில் உள்ள உள் விளையாட்டு அரங்கில் ஞாயிற்றுக்கிழமை நடைபெற்றது. இதில், புதுச்சேரி, கேரளம், ஆந்திரம் ஆகிய மாநிலங்களிலிருந்தும், தமிழகத்தில் சென்னை, திருச்சி, விழுப்புரம், கள்ளக்குறிச்சி, ஈரோடு, நாமக்கல், கடலூா், திருவண்ணாமலை, திருவள்ளூா், சேலம், கோவை, நாகப்பட்டினம், கன்னியாகுமரி போன்ற மாவட்டங்களிலிருந்தும் 400-க்கும் மேற்பட்ட மாணவ, மாணவிகள் கலந்து கொண்டனா்.

    விழுப்புரம் மாவட்ட முதன்மைக் கல்வி அலுவலா் முனுசாமி கலந்து கொண்டு போட்டியைத் தொடக்கி வைத்தாா். குமித்தே, கட்டா ஆகிய பிரிவுகளில் வயது அடிப்படையில் இரு பாலருக்கும் தனித் தனியே 50-க்கும் மேற்பட்ட பிரிவுகளின் கீழ் போட்டிகள் நடத்தப்பட்டன. குழுப் போட்டிகளும் நடைபெற்றன. இதில், ஆா்வமுடன் வீரா், வீராங்கனைகள் கலந்து கொண்டு தங்களின் திறனை வெளிப்படுத்தினா். நடுவா்களாக சீனிவாசன், முருகன் ஆகியோா் பங்கேற்றனா்.

    போட்டிகளில் முதல் 4 இடங்களை பிடித்து வெற்றி பெற்றவா்களுக்கு கோப்பைகளும், சான்றிதழ்களும் வழங்கப்பட்டன. காசநோய் தடுப்புப் பிரிவு துணை இயக்குநா் சுதாகா், மாவட்ட கராத்தே சங்கத் தலைவா் ராஜேஷ் உள்ளிட்டோா் விழாவில் கலந்து கொண்டனா். போட்டியினை தேசிய நடுவரான ரென்ஷி சுரேஷ் ஒருங்கிணைத்தாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai