ஒருங்கிணைந்த மருத்துவமே அதிக பலனளிக்கும் சுகாதார அதிகாரி தகவல்

சித்த மருத்துவம், அலோபதி மருத்துவம் போன்ற ஒருங்கிணைந்த மருத்துவமே, பொதுமக்களுக்கு அதிக பலனைத் தரக் கூடியது என்று சுகாதாரத் துறை இணை இயக்குநா் சண்முககனி தெரிவித்தாா்.

சித்தா் அகத்தியரின் பிறந்த நாளையொட்டி, இந்திய மருத்துவம், ஹோமியோபதி துறை, மத்திய சித்த மருத்துவ ஆராய்ச்சி நிலையம் ஆகியவை சாா்பில் 3-ஆவது தேசிய சித்த மருத்துவ தின விழா விழுப்புரம் மாவட்ட சித்த மருத்துவமனையில் திங்கள்கிழமை நடைபெற்றது.

விழாவில், விழுப்புரம் சுகாதாரப் பணிகள் இணை இயக்குநா் சண்முககனி கலந்து கொண்டு பேசியதாவது:

ஆரோக்கியத்துடன் வாழ, நாள்தோறும் ஒரு வேளையாவது, சமைக்காத உணவை உண்ண வேண்டும். காய்கறிகள், பழங்களை வேகவைக்காமல் பச்சையாக சாப்பிட வேண்டும். அதேபோன்று, சிறு தானியங்களையும் சாப்பிட வேண்டும். இது, உடல் ஆரோக்கியத்துக்கு வழிவகுக்கும்.

மருத்துவத் துறையில் ஒருங்கிணைந்த மருத்துவ முறையே பொதுமக்களுக்கு பயனளிக்கும். ஆதாவது, ‘நித்திய கல்யாணி’ என்ற செடியிலிருந்து அலோபதி மருத்துவத்தில் புற்று நோய்க்கான மருந்து தாயரிக்கப்படுகிறது.

இதேபோன்று, பல்வேறு செடிகள், மூலிகைகளிலிருந்து அலோபதிக்கு மருந்து தயாரிக்கப்படுகிறது. ஆகையால், எல்ல மருத்துவமும் மக்களுக்கு பயனளிக்க வேண்டும் என்பதாலேயே ‘ஆயுஸ்’ அமைப்பு ஏற்படுத்தப்பட்டது. இதன் மூலம் மனமும், உடலும் நல்ல நிலையில் வைத்து, ஆரோக்கியமாக வாழ முடியும் என்றாா்.

கள்ளக்குறிச்சி பொது சுகாதார மற்றும் காசநோய் தடுப்பு துணை இயக்குநா் பொற்கொடி, விழுப்புரம் காச நோய் தடுப்பு துணை இயக்குநா் சுதாகா், விழுப்புரம் தொழுநோய் தடுப்பு துணை இயக்குநா் கவிதா ராணி, குடும்ப நல துணை இயக்குநா் நேரு, விழுப்புரம் அரசு மருத்துவமனை முதன்மை குடும் மருத்துவ அலுவலா் சாந்தி ஆகியோா் பேசினா்.

சித்த மருத்துவா்கள் லாவண்யா, சுபா, யோகா மற்றும் இயற்கை மருத்துவா் ஹேமலதா உள்ளிட்டோா் கலந்து கொண்டனா்.

விழுப்புரம் மாவட்ட சித்த மருத்துவ அலுவலா் முத்துராஜ் வரவேற்றாா். மாவட்ட சித்த மருத்துவ உதவி மருத்துவ அலுவலா் நித்யகுமாா் நன்றி கூறினாா்.

மூலிகை கண்காட்சி:

மூலிகைச் செடிகள் கண்காட்சி, நாட்டு மருந்துகள் கண்காட்சி உள்ளிட்ட கண்காட்சிகள் நடைபெற்றன.

Image Caption

விழுப்புரம் மாவட்ட சித்த மருத்துவமனையில் திங்கள்கிழமை நடைபெற்ற சித்த மருத்துவ தின விழாவில் கலந்து கொண்டு பேசிய சுகாதாரப் பணிகள் இணை இயக்குநா் சண்முககனி. உடன், துணை இயக்குநா்கள் சுதாகாா், பொற்கொடு, நேரு, கவிதாராணி, மாவட்ட சித்த மருத்துவ அலுவலா் முத்து