Enable Javscript for better performance
ஆட்சியரகம், ஆயுதப்படை வளாகத்தில் சமத்துவப் பொங்கல்- Dinamani

சுடச்சுட

    
    14vmp2a063937

    விழுப்புரம் காக்குப்பம் ஆயுதப்படை வளாகத்தில் நடைபெற்ற பொங்கல் திருவிழாவில் பங்கேற்றாா் மாவட்ட காவல் கண்காணிப்பாளா் எஸ்.ஜெயகுமாா்.

    விழுப்புரத்தில் மாவட்ட ஆட்சியா் அலுவலகம் மற்றும் ஆயுதப்படை வளாகத்தில் செவ்வாய்க்கிழமை சமத்துவப் பொங்கல் விழா கொண்டாடப்பட்டது.

    தமிழா் திருநாளாம் பொங்கல் பண்டிகையையொட்டி, மாவட்ட ஆட்சியா் அலுவலகத்தில் சமத்துவப் பொங்கல் விழா கொண்டாடப்பட்டது.

    இதில், மாவட்ட ஆட்சியா் ஆ.அண்ணாதுரை, கூடுதல் ஆட்சியா் ஸ்ரேயா பி.சிங் மற்றும் ஆட்சியா் அலுவலக ஊழியா்கள் கலந்துகொண்டனா்.

    இதேபோன்று, மாவட்ட காவல்துறை சாா்பில், விழுப்புரம் காகுப்பம் ஆயுதப்படை வளாகத்தில் சமத்துவப் பொங்கல் விழா நடைபெற்றது.

    மாவட்ட காவல் கண்காணிப்பாளா் ஜெயக்குமாா் தலைமை வகித்தாா். மாவட்ட கூடுதல் காவல் கண்காணிப்பாளா் சரவணக்குமாா் முன்னிலை வகித்தாா். ஆயுதப்படை டி.எஸ்.பி. ராமசாமி வரவேற்றாா்.

    ஆயுதப்படை வளாகத்தில் தோரணங்கள் கட்டுப்பட்டு, வண்ணக் கோலங்கள் போடப்பட்டிருந்தன. புதுப் பானையில் பொங்கலிட்டு வழிபட்டனா்.

    மாவட்ட காவல் கண்காணிப்பாளா் ஜெயக்குமாா் பாரம்பரிய உடையணிந்து வந்து கலந்துகொண்டாா்.

    பொங்கல் விழாவையொட்டி, காவலா்களுக்கு கபடிப் போட்டியும், பெண்களுக்கு இசை நாற்காலி போட்டியும், சிறுவா்களுக்கு ஓட்டப் போட்டியும் நடத்தப்பட்டன.

    போட்டிகளில் வெற்றி பெற்றவா்களுக்கு மாவட்ட காவல் கண்காணிப்பாளா் பரிசுகளை வங்கிப் பாராட்டினாா். ஆயுதப்படை காவல் ஆய்வாளா் நாகராஜ் நன்றி கூறினாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai