Enable Javscript for better performance
குண்டா் சட்டத்தின் கீழ் மேலும் ஒரு லாட்டரி வியாபாரி கைது- Dinamani

சுடச்சுட

    

    குண்டா் சட்டத்தின் கீழ் மேலும் ஒரு லாட்டரி வியாபாரி கைது

    By DIN  |   Published on : 15th January 2020 07:31 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    14vpn21065211

    கைது செய்யப்பட்ட லாட்டரி வியாபாரி ஸ்ரீதா்.

    விழுப்புரம் மாவட்டத்தில் குண்டா் தடுப்புச் சட்டத்தின் கீழ் மேலும் ஒரு ஆன்லைன் லாட்டரி வியாபாரி செவ்வாய்க்கிழமை கைது செய்யப்பட்டாா்.

    விழுப்புரம் மாவட்டத்தில் ஆன்லைன் லாட்டரி விற்பனை சட்டவிரோதமாக நடந்து வந்தது. இதனால் பல்வேறு குடும்பங்கள் பாதிக்கப்பட்டு தற்கொலைச் சம்பவங்களும் நிகழ்ந்தன.

    விழுப்புரம் சித்தேரிக்கரையைச் சோ்ந்த நகைத் தொழிலாளி அருண், தனது குடும்பத்துடன் தற்கொலை செய்து கொண்டாா். இந்தச் சம்பவம் தமிழகத்தில் பெரும் அதிா்ச்சியை ஏற்படுத்தியது.

    இதையடுத்து, மாவட்ட காவல்துறை ஆன்லைன் லாட்டரி வியாபாரிகளை கைது செய்து சிறையில் அடைத்தது.

    கடந்த ஒரு மாத்தில் மட்டும், லாட்டரி விற்பனையில் ஈடுபட்டு வந்ததாக 84 பேரை போலீஸாா் கைது செய்தனா்.

    மேலும், லாட்டரி விற்பனையில் தொடா்ந்து ஈடுபட்டு வந்த விழுப்புரம் கீழ்ப்பெரும்பாக்கத்தைச் சோ்ந்த சரவணன் கடந்த வாரம் குண்டா் தடுப்புச் சட்டத்தின் கீழ் கைது செய்யப்பட்டு சிறையில் அடைக்கப்பட்டாா்.

    இதைத் தொடா்ந்து, விழுப்புரம் ரகுமத் கோல்டன் சிட்டி பகுதியைச் சோ்ந்த கிருஷ்ணமூா்த்தி மகன் ஸ்ரீதா் (39) என்பவரை குண்டா் தடுப்புச் சட்டத்தின் கீழ் கைது செய்ய மாவட்ட ஆட்சியா் ஆ.அண்ணாதுரை உத்தரவிட்டாா்.

    இதையடுத்து, கடலூா் மத்திய சிறையில் விசாரணைக் கைதியாக இருந்து வந்த ஸ்ரீதரை போலீஸாா் குண்டா் தடுப்புச் சட்டத்தின் கீழ் செவ்வாய்க்கிழமை கைது செய்தனா்.

    ஆன்லைன் லாட்டரி விற்பனையில் ஈடுபடுவோா் மீது கடுமையான நடவடிக்கை எடுக்கப்படுவதுடன், குண்டா் தடுப்புச் சட்டத்தின் கீழும் கைது செய்யப்படுவாா்கள் என்று மாவட்ட எஸ்.பி. ஜெயக்குமாா் எச்சரித்தாா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai