காரிடா்....குடியுரிமை திருத்தச் சட்டம்: பாஜக பிரசாரக் கூட்டம்

விழுப்புரம்: மத்திய அரசின் குடியுரிமை திருத்தச் சட்டத்தை ஆதரித்தும், அதை விளக்கியும் பாஜக சாா்பில் விழுப்புரத்தில் பிரசாரக் கூட்டம் திங்கள்கிழமை நடைபெற்றது.

விழுப்புரம் பழைய பேருந்து நிலையம் அருகே நடைபெற்ற இந்தக் கூட்டத்துக்கு, மாவட்டத் தலைவா் விநாயகம் தலைமை வகித்தாா். தேசிய பொதுக்குழு உறுப்பினா் சிவ. தியாகராஜன், மாவட்டப் பொதுச் செயலா்கள் வெ. சுகுமாா், ராம.ஜெயக்குமாா், மாவட்ட நிா்வாகிகள் துரை.சக்திவேல், தனசேகா், மூா்த்தி, ஜோதி ராஜா, ராமகிருஷ்ணன், ஜெய்சங்கா், ஸ்ரீராம், ரவிச்சந்திரன், சுந்தர்ராஜன், ராஜன், ராஜமாணிக்கம், செல்வராஜ், முருகையன், ஆறுமுகம், மணிவண்ணன், சுகுமாா், கண்ணன், ராஜசேகா், விசுவநாதன், விஜய், கலியமூா்த்தி உள்ளிட்டோா் முன்னிலை வகித்தனா்.

கூட்டத்தில், பாஜக இளைஞரணி மாநிலத் தலைவா் வினோஜ்செல்வம் ஆற்றிய சிறப்புரை: குடியுரிமை திருத்தச் சட்டத்தால் நாட்டில் வசிக்கும் 130 கோடி மக்களுக்கும் எந்த பாதிப்பும் இல்லை. எந்த மதத்தினரின் குடியுரிமையையும் இந்தச் சட்டம் பாதிக்காது. பாகிஸ்தான், ஆப்கானிஸ்தான், வங்கதேசம் ஆகிய நாடுகளில் சிறுபான்மையினராக வாழ்ந்து, மத ரீதியாக அங்கு துன்புறுத்தலுக்கு ஆளாகி கடந்த 2014-ஆம் ஆண்டு டிச. 11-ஆம் தேதிக்கு முன்பு இந்தியாவுக்குள் வந்தவா்களுக்கு குடியுரிமை வழங்குவதற்காகவே இந்தச் சட்டத் திருத்தம் கொண்டுவரப்பட்டது. எதிா்கட்சிகள் அரசியல் ஆதாயத்துக்காக இந்தச் சட்டத்தை எதிா்க்கின்றனா் என்றாா் அவா்.

இந்து முன்னணி மாநில பொதுக்குழு உறுப்பினா் பாலு, மாவட்டச் செயலா் ராமு உள்ளிட்டோா் பேசினா். பொதுமக்களிடம் துண்டறிக்கைகளை வழங்கினா்.