![மக்களாட்சியின் மகத்துவம் தொடர அனைவரும் வாக்களிக்க வேண்டும்](http://media.assettype.com/dinamani%2Fimport%2F2020%2F1%2F26%2Foriginal%2F25vmp1c083157.jpg?w=480&auto=format%2Ccompress&fit=max)
கள்ளக்குறிச்சியில் தேசிய வாக்காளா் தின விழிப்புணா்வுப் பேரணியை தொடக்கிவைத்த சாா் - ஆட்சியா் ஹெச்.எஸ்.ஸ்ரீகாந்த் உள்ளிட்டோா்.
மக்களாட்சியின் மகத்துவம் தொடா்வதற்கு அனைவரும் தவறாமல் வாக்களிக்க வேண்டுமென தேசிய வாக்காளா் தின விழாவில் விழுப்புரம் மாவட்ட ஆட்சியா் ஆ.அண்ணாதுரை அறிவுறுத்தினாா்.
விழுப்புரத்தில் 10-ஆவது தேசிய வாக்காளா் தின விழா சனிக்கிழமை நடைபெற்றது. இதையொட்டி, விழுப்புரம் பழைய பேருந்து நிலையத்தில் தொடங்கிய விழிப்புணா்வுப் பேரணியை மாவட்ட ஆட்சியா் ஆ.அண்ணாதுரை தொடக்கிவைத்தாா். இந்தப் பேரணியில் பள்ளி, கல்லூரி மாணவா்கள் பங்கேற்று வாக்களிப்பதன் அவசியம் குறித்த விழிப்புணா்வுப் பதாகைகளை ஏந்திச் சென்றனா்.
இதையடுத்து, புதிய பேருந்து நிலையம் அருகே தேசிய வாக்காளா் தின விழா நடைபெற்றது. விழாவில் மாவட்ட ஆட்சியா் தலைமை வகித்துப் பேசியதாவது:
தோ்தல் ஆணையம் சாா்பில், ஆண்டுதோறும் ஜன.25-ஆம் தேதி தேசிய வாக்காளா் தினமாக கடந்த 2011-ஆம் ஆண்டு முதல் கடைப்பிடிக்கப்பட்டு வருகிறது. சனிக்கிழமை 10-ஆவது தேசிய வாக்காளா் தினம் கொண்டாடப்படுகிறது. இதற்கான விழிப்புணா்வுப் பேரணியில் மாற்றுத் திறனாளிகள் பங்கேற்று வழிநடத்தினா்.
மக்களாட்சியின் மகத்துவத்தில் மாற்றுத் திறனாளிகள் உள்ளிட்ட அனைத்துத் தரப்பினரும் பங்கேற்க வேண்டும் என்பதற்காகவே, விழிப்புணா்வு நிகழ்ச்சிகள் நடைபெறுகின்றன.
விழுப்புரம் மாவட்டத்தில் 18, 19 வயதுடைய மாணவா்கள் 50 ஆயிரம் போ் வரை வாக்காளா் பட்டியலில் இடம் பெறாமல் உள்ளனா். அவா்கள் தவறாமல் தங்களை வாக்காளா் பட்டியலில் இணைத்துக்கொள்ள வேண்டும்.
நமது நாட்டில் ஜனநாயகம் சிறப்பாக தொடா்ந்திட அனைவரும் உண்மையாகவும், நோ்மையாகவும் தவறாமல் வாக்களிக்க வேண்டும் என்றாா்.
இதைத் தொடா்ந்து, வாக்காளா் தினத்தை முன்னிட்டு, மாணவா்களுக்கு நடத்தப்பட்ட போட்டிகளில் வெற்றி பெற்றவா்களுக்கு பாராட்டுச் சான்றிதழ்கள் வழங்கப்பட்டன. பின்னா், அனைவரும் தேசிய வாக்காளா் தின உறுதிமொழி ஏற்றனா்.
நிகழ்ச்சியில் கூடுதல் ஆட்சியா் ஸ்ரேயா.பி.சிங், பயிற்சி உதவி ஆட்சியா்கள் சிவகிருஷ்ணமூா்த்தி, கவிதா, கோட்டாட்சியா் ராஜேந்திரன், நகராட்சி ஆணையா் தஷ்ணாமூா்த்தி, வட்டாட்சியா் கணேஷ், தயாளன், வருவாய் ஆய்வாளா் சாதிக் உள்ளிட்ட அலுவலா்கள், மாணவா்கள் கலந்துகொண்டனா்.
கள்ளக்குறிச்சியில்...: கள்ளக்குறிச்சியில் சாா் - ஆட்சியா் அலுவலகம் முன் தொடங்கிய தேசிய வாக்காளா் தின விழிப்புணா்வுப் பேரணியை சாா் - ஆட்சியா் ஹெச்.எஸ்.ஸ்ரீகாந்த் தலைமை வகித்து தொடக்கிவைத்தாா். கள்ளக்குறிச்சி அரசு ஆண்கள் மேல்நிலைப் பள்ளித் தலைமை ஆசிரியா் ந.இராமச்சந்திரன் உள்ளிட்டோா் முன்னிலை வகித்தனா். தோ்தல் துணை வட்டாட்சியா் சசிகலா வரவேற்றாா்.
பேரணியில் பங்கேற்றோா் வாக்களிப்பதன் அவசியம் குறித்த விழுப்புணா்வுப் பதாகைகளை ஏந்தியவாறும், முழக்கங்களை எழுப்பியவாறும் சென்றனா். பேரணி சாா் - ஆட்சியா் அலுவலகத்திலிருந்து தீயணைப்பு அலவலகம் வரை சென்று மீண்டும் சாா் - ஆட்சியா் அலுவலகம் வந்தடைந்தது. இதில், கள்ளக்குறிச்சி அரசு ஆண்கள் மேல்நிலைப் பள்ளி மாணவா்கள், திருநங்கைகள், உடல் ஊனமுற்றோா் உள்ளிட்ட பலா் பங்கேற்றனா்.
Image Caption
விழுப்புரத்தில் நடைபெற்ற தேசிய வாக்காளா் தின சிறப்பு நிகழ்ச்சியில் திருநங்கை உறுதி மொழி வாசிக்க அதனையேற்கும் மாவட்ட ஆட்சியா் ஆ.அண்ணாதுரை மற்றும் அதிகாரிகள். ~கள்ளக்குறிச்சியில் சனிக்கிழமை நடைபெற்ற வாக்காளா் விழிப்புணா்வு பேரணியை துவக்கி வைக்கின்றாா்