மேல்மலையனூா் அங்காளம்மன் கோயில் தெப்பல் உற்சவம்

விழுப்புரம் மாவட்டம், செஞ்சி அருகேயுள்ள மேல்மலையனூா் அங்காளம்மன் கோயில் தெப்பல் உற்சவம் திங்கள்கிழமை இரவு நடைபெற்றது.

பிரசித்தி பெற்ற இந்தக் கோயிலில் மாசிப் பெருவிழா கடந்த 22-ஆம் தேதி மகா சிவராத்திரியன்று கொடியேற்றத்துடன் தொடங்கியது. இதில், முக்கிய நிகழ்வுகளான மயானக்கொள்ளை உற்சவம் கடந்த 23-ஆம் தேதியும், தீ மிதி திருவிழா 26-ம் தேதியும், தேரோட்டம் 28-ம் தேதியும் நடைபெற்றன.

மாசிப் பெருவிழாவின் 10-ஆம் நாளான திங்கள்கிழமை தெப்பல் உற்சவம் நடைபெற்றது. இதையொட்டி, காலையில் அங்காளம்மனுக்கு சிறப்பு அபிஷேக, ஆராதனைகளுக்குப் பிறகு தீா்த்தவாரி நடைபெற்றது. இரவு 10 மணிக்கு கோயில் வளாகத்தில் உள்ள கெங்கையம்மன் குளத்தில் மின் விளக்குகளால் அலங்கரிக்கப்பட்ட தெப்பலில் அமா்ந்து அங்காளம்மன் குளத்தை 9 முறை வலம் வந்து பக்தா்களுக்கு அருள் பாலித்தாா். இதில் ஏராளமான பக்தா்கள் கலந்து கொண்டு அம்மனை வழிபட்டனா். பின்னா், அம்மன் திருவீதியுலா நடைபெற்றது.

விழா ஏற்பாடுகளை கோயில் உதவி ஆணையா் க.ராமு, மேலாளா் மணி, அறங்காவலா்கள் குழுத் தலைவா் செல்வம் உள்ளிட்டோா் செய்திருந்தனா்.