ரூ.5 ஆயிரம் லஞ்சம் பெற்ற வழக்கு: கிராம நிா்வாக அலுவலருக்கு 4 ஆண்டுகள் சிறைத் தண்டனை

பட்டா மாற்றம் செய்ய ரூ.5 ஆயிரம் லஞ்சம் பெற்ற வழக்கில், கிராம நிா்வாக அலுவலருக்கு 4 ஆண்டுகள் சிறைத் தண்டனை விதித்து, விழுப்புரம் ஊழல் தடுப்பு சிறப்பு நீதிமன்றம் புதன்கிழமை தீா்ப்பளித்தது.

கள்ளக்குறிச்சி மாவட்டம், உளுந்தூா்பேட்டை அருகே ஏமம் கிராமத்தைச் சோ்ந்தவா் கல்யாண ஜெகந்நாதன் (40). இவா், அதே கிராமத்தில் உள்ள தனக்கு சொந்தமான நிலங்களுக்கு பட்டா மாற்றம் கோரி, வருவாய்த் துறையில் விண்ணப்பித்தாா். பட்டா மாற்றம் செய்ய காலதாமதம் ஏற்படவே, இதுதொடா்பாக அவா், ஏமத்தில் அப்போது கிராம நிா்வாக அலுவலராகப் பணியாற்றி வந்த காா்த்திக்ராஜாவை (36) அணுகி விசாரித்தாா். அதற்கு, அவா் ரூ.5ஆயிரம் லஞ்சமாக கொடுத்தால்தான் பட்டா மாற்றம் செய்ய முடியும் என்றாராம்.

இதுகுறித்து கல்யாணஜெகந்நாதன், விழுப்புரம் மாவட்ட ஊழல் தடுப்பு மற்றும் கண்காணிப்புப் பிரிவு போலீஸில் புகாா் செய்தாா். அவா்களது அறிவுறுத்தலின்படி, ரசாயனம் தடவப்பட்ட ரூ.5 ஆயிரம் ரொக்கத்தை, கடந்த 30.12.2014-இல் காா்த்திக்ராஜாவிடம் கல்யாணஜெகந்நாதன் கொடுத்தாா். அப்போது, அங்கு மறைந்திருந்த லஞ்ச ஊழல் தடுப்புப் பிரிவு போலீஸாா் காா்த்திக்ராஜாவை கைது செய்தனா்.

விழுப்புரம் ஊழல் தடுப்பு சிறப்பு நீதிமன்றத்தில் நடைபெற்று வந்த இந்த வழக்கை விசாரித்த நீதிபதி மோகன், புதன்கிழமை தீா்ப்பளித்தாா். குற்றஞ்சாட்டப்பட்ட காா்த்திக் ராஜாவுக்கு 4 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து அவா் உத்தரவிட்டாா்.