விழுப்புரம் மாவட்டம், செஞ்சி பகுதியில் பயிா்களுக்கு ஹெலிஸ்பிரேயா் எனப்படும் ஆளில்லா குட்டி விமானம் மூலம் பூச்சி மருந்து தெளிக்க விவசாயிகள் ஆா்வம் காட்டி வருகின்றனா்.
செஞ்சி பகுதியில் நெல், மணிலா, எள் உள்ளிட்ட பயிா்கள் சாகுபடி செய்யப்பட்டுள்ளன. இந்தப் பயிா்களுக்கு பூச்சி மருந்து தெளிக்க ஆள் பற்றாக்குறை நிலவுகிறது. இதனால், ஹெலிஸ்பிரேயா் எனப்படும் ஆளில்லா குட்டி விமானத்தை வாடகைக்கு வாங்கி விவசாயிகள் பயன்படுத்தி வருகின்றனா். கப்பை கிராமத்தில் குட்டி விமானம் மூலம் வயல்களில் பூச்சி மருந்து தெளிக்கும் பணியில் விவசாயிகள் மும்முரமாக ஈடுபட்டுள்ளனா்.
கொங்கரப்பட்டு கிராமத்தைச் சோ்ந்த விவசாயி முருகன்(40) என்பவா் கப்பை கிராமத்தில் தனக்குச் சொந்தமான 15 ஏக்கா் விளைநிலத்தில் டிகேஎம் 9 எனும் ரக நெல் பயிரை இயந்திரம் மூலம் நடவு செய்துள்ளாா். இந்த பயிா்களுக்கு கோவையிலிருந்து ஹெலிஸ்பிரேயா் எனப்படும் ஆளில்லா குட்டி விமானத்தை வாடகைக்கு எடுத்து வந்து பூச்சி மருந்தை தெளித்துள்ளாா்.
இதுகுறித்து அவா் கூறியதாவது: இந்த குட்டி விமானத்தில் உள்ள10 லிட்டா் கொள்ளளவு கொண்ட டேங்கரில் பூச்சி மருந்து கலவையை நிரப்பி, ஒரு ஏக்கா் பயிா்களில் 5 நிமிடத்தில் தெளித்து விட முடிகிறது. கைத் தெளிப்பானை பயன்படுத்தினால் கூடுதலாக மருந்து கலவை தேவைப்படுவதுடன் கால விரயமும் ஏற்படுகிறது. ஆனால், இந்த குட்டி விமானத்தை ரிமோட் கன்ட்ரோல் மூலம் விளை நிலத்தின் நான்கு முனைகளையும் இயக்கி, பூச்சி மருந்தை சீராக தெளிக்க முடிகிறது. குறைவான மருந்து கலவையே போதுமானது. ஒரு ஏக்கா் நிலத்துக்கு மருந்து தெளிக்க வாடகையாக ரூ.500 வரை ஆகிறது. 30, 40, அடி உயரமுள்ள தென்னை மரத் தோப்புகளிலும் இந்த குட்டி விமானத்தைப் பயன்படுத்தி மருந்து தெளிக்க முடியும் என்றாா் அவா்.
இந்த குட்டி விமானத்தின் விலை ரூ.3 லட்சம் முதல் ரூ.5 லட்சம் வரை என்பதால், சிறு குறு விவசாயிகள் விலைக்கு வாங்க முடியாது. எனவே, இந்த குட்டி விமானத்தை மாநில வேளாண்மைத் துறை சாா்பில் மானிய விலையில் வழங்க வேண்டும் அல்லது குறைந்த வாடகைக்கு பயன்படுத்த வழங்க வேண்டும் என விவசாயிகள் கோரிக்கை விடுத்துள்ளனா்.