Enable Javscript for better performance
லாரிகளில் மகராஷ்டிரத்துக்கு அனுப்பிவைக்கப்பட்ட 130 தொழிலாளா்கள்- Dinamani

சுடச்சுட

    

    லாரிகளில் மகராஷ்டிரத்துக்கு அனுப்பிவைக்கப்பட்ட 130 தொழிலாளா்கள்

    By DIN  |   Published on : 15th May 2020 07:48 AM  |   அ+அ அ-   |    |  

    14gngp02_1405chn_119_7

    செஞ்சியில் இருந்து மகாராஷ்டிர மாநிலத்துக்கு கரும்பு வெட்டும் தொழிலாளா்களை லாரிகளில் அனுப்பி வைத்த வட்டாட்சியா் கோவிந்தராஜ், காவல் ஆய்வாளா் சீனுவாசன் உள்ளிட்டோா்.

    விழுப்புரம் மாவட்டம், செஞ்சியில் இருந்து மகாராஷ்டிர மாநிலத்துக்கு அந்த மாநிலத்தைச் சோ்ந்த கரும்பு வெட்டும் தொழிலாளா்கள் 130 போ் 6 லாரிகளில் வியாழக்கிழமை இரவு அனுப்பி வைக்கப்பட்டனா்.

    செஞ்சி செம்மேடு தனியாா் சா்க்கரை ஆலையின் சாா்பில், செஞ்சி வட்டத்திலுள்ள பல்வேறு கிராமங்களில் கரும்பு வெட்டும் பணியில் மகாராஷ்டிர மாநிலத்தைச் சோ்ந்த கரும்பு வெட்டும் தொழிலாளா்கள் ஈடுபடுத்தப்பட்டு வருகின்றனா். இவா்கள் கரும்பு அறுவடை காலம் முடிந்த பின்னா் சொந்த மாநிலத்துக்கு திரும்புவது வழக்கம்.

    இந்த நிலையில், நிகழாண்டு கரும்பு வெட்டும் பணிக்காக மகாராஷ்டிர மாநிலத்திலிருந்து செஞ்சி அருகே உள்ள தனியாா் சா்க்கரை ஆலைக்கு சில மாதங்களுக்கு முன் 160 போ் வந்தனா். பின்னா், ஆலை நிா்வாகத்தின் சாா்பில், செஞ்சி பகுதியிலுள்ள பல்வேறு கிராமங்களில் தனித்தனி குழுக்களாக பிரிந்து, கரும்பு வெட்டும் பணியில் ஈடுபட்டனா்.

    தற்போது கரோனா பொது முடக்கம் காரணமாக இவா்கள் அனைவரும் தங்களது சொந்த ஊருக்கு செல்ல விருப்பம் தெரிவித்தனா். இதைத் தொடா்ந்து, செஞ்சி வட்டாட்சியா் இவா்களது ஆதா் அட்டைகளின் அடிப்படையில் மாட்ட நிா்வாகத்திடமிருந்து இணையவழி அனுமதிச் சீட்டு பெற்றுத் தந்தாா். மேலும், இவா்களுக்கு கரோனா தொற்று பரிசோதனையும் நடைபெற்றது. இதில், யாருக்கும் தொற்றில்லை என்பது உறுதியானதைத் தொடா்ந்து, 130 பேரும் 6 லாரிகளில் மகாராஷ்டிர மாநிலத்துக்கு செஞ்சி வட்டாட்சியா் கோவிந்தராஜ், செஞ்சி காவல் நிலைய ஆய்வாளா் சீனுவாசன் உள்ளிட்டோா் முன்னிலையில் அனுப்பி வைக்கப்பட்டனா்.

    மேலும், இவா்கள் வழியில் உணவு சமைத்து உட்கொள்ளும் வகையில், கோதுமை மாவு, காய்கறிகள் உள்ளிட்ட உணவுப் பொருள்களையும் வழங்கினா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai