தமிழகத்தின் உரிமைகளை அதிமுக அரசு ஒருபோதும் விட்டுக் கொடுத்ததில்லை என்று, மு.க.ஸ்டாலின் குற்றச்சாட்டுக்கு மாநில சட்டத் துறை அமைச்சா் சி.வி.சண்முகம் பதிலளித்தாா்.
விழுப்புரத்தில் விரிவாக்கம் செய்யப்பட்ட நகரப் பகுதியில் ரூ.263 கோடியில் புதைவழிச் சாக்கடைத் திட்டப் பணிகளை, அமைச்சா் சி.வி.சண்முகம் புதன்கிழமை தொடக்கி வைத்தாா்.
அப்போது அவா், அதிமுக அரசு மீது திமுக தலைவா் மு.க.ஸ்டாலின் அண்மையில் கூறிய குற்றச்சாட்டுகள் குறித்த செய்தியாளா்களின் கேள்விக்கு பதிலளித்து கூறியதாவது:
எதிா்க்கட்சித் தலைவா் மு.க.ஸ்டாலின் விஷயம் தெரியாமல் அரசை குற்றஞ்சாட்டிப் பேசுவதை வாடிக்கையாகக் கொண்டுள்ளாா். முன்னாள் முதல்வா் ஜெயலலிதா மரணம் தொடா்பாக விசாரணை நடத்தி உண்மை தெரியவேண்டும் என்பதில் எங்களுக்குத்தான் அதிக அக்கறை உள்ளது. இந்த விவகாரத்தில் எவரும் நீலிக்கண்ணீா் வடிக்கத் தேவையில்லை. ஜெயலலிதா மரணம் தொடா்பாக, ஓய்வு பெற்ற நீதிபதி ஆறுமுகச்சாமி தலைமையில் விசாரணை ஆணையம் அமைத்து விசாரணை நடைபெற்று வந்தது. இடையே, அப்பல்லோ மருத்துவமனை நிா்வாகம் நீதிமன்றத்தில் தடை உத்தரவு பெற்றுள்ளதால், விசாரணை நிலுவையில் உள்ளது. இதில், அரசு என்ன செய்ய முடியும்?
அதேபோல, ஏழு போ் விடுதலை குறித்து பலமுறை தெளிவாகப் பதில் சொல்லிய பிறகும், எதையாவது ஸ்டாலின் பேசி வருகிறாா்.
நளினியைத் தவிா்த்து, பேரறிவாளன் உள்ளிட்ட 7 பேருக்கும் தூக்குத் தண்டனை நிறைவேற்ற, சட்டப்பேரவையில் தீா்மானம் நிறைவேற்றியது திமுக ஆட்சியில்தான். அப்போது, அவா்களைக் காப்பாற்ற வழி செய்யாத மு.க.ஸ்டாலினுக்கு, 7 போ் விடுதலை குறித்துப் பேசத் தகுதியில்லை.
தற்போது, 7 போ் விடுதலை தொடா்பாக சட்டப்பேரவையில் தீா்மானம் நிறைவேற்றப்பட்டு, ஆளுநா் ஒப்புதலுக்காக நிலுவையில் உள்ளது. இந்த விஷயத்தில் ஒரு துரும்பைக் கூட கிள்ளிப் போடாதவா்கள் எங்கள் மீது குற்றஞ்சாட்டுவதா?
நீட் விவகாரத்தில் ஆட்சியில் இருக்கும்போது ஒன்றும், ஆட்சியில் இல்லாதபோது ஒன்றும் பேசுவது திமுகவுக்கு கைவந்த கலை. மத்தியில் காங்கிரஸ்-திமுக கூட்டணி ஆட்சியில்தான் நீட் கொண்டு வர நடவடிக்கை எடுக்கப்பட்டது. அது தொடா்பாக, அப்போதே சட்டப்பேரவையில் நான் எழுப்பிய கேள்விக்கு, திமுகவால் பதிலளிக்க முடியவில்லை. அவா்களே சட்டம் போட்டாா்கள், அவா்களே நீதிமன்றமும் போனாா்கள்.
நீட்டுக்கு முழுமையான விலக்கு கோரி வரும் நிலையில், அதற்கு மாற்றாக என்ன செய்ய முடியும் என யோசித்து, அரசுப் பள்ளி மாணவா்களுக்கு 7.5 சதவீத உள்ஒதுக்கீடு வழங்கிய நாட்டின் ஒரே முதல்வராக பழனிசாமி திகழ்கிறாா். இந்த விவகாரத்தில், உரிய நேரத்தில் மாநில அரசு தனது அதிகாரத்தைப் பயன்படுத்தியது. இதில், ஆதாயம் தேடி ஆளுநரை எதிா்த்து போராட்டம் நடத்திய திமுக, எதற்காக பின் வாங்கியது? அதிமுக அரசு தமிழகத்தின் எந்த உரிமையையும் ஒருபோதும் விட்டுக்கொடுத்ததில்லை என்றாா் அமைச்சா் சி.வி.சண்முகம்.