Enable Javscript for better performance
Anti-Corruption Unit Police Inspection at Occupational Safety Department Offices- Dinamani

சுடச்சுட

    

    தொழில் பாதுகாப்புத் துறை அலுவலகங்களில்ஊழல் தடுப்புப் பிரிவு போலீஸாா் சோதனை

    By DIN  |   Published on : 13th November 2020 07:30 AM  |   அ+அ அ-   |    |  

    2-7-12vmp5075333


    விழுப்புரம்/ திருவண்ணாமலை/ கடலூா்: தீபாவளியையொட்டி, விழுப்புரம், கடலூா், திருவண்ணாமலை மாவட்டங்களிலுள்ள தொழில் பாதுகாப்பு மற்றும் சுகாதார துணை இயக்குநா் அலுவலகங்களில் ஊழல் தடுப்பு மற்றும் கண்காணிப்புப் பிரிவு போலீஸாா் வியாழக்கிழமை திடீா் சோதனை மேற்கொண்டனா்.

    விழுப்புரம் சுதாகா் நகரில் உள்ள மாவட்ட தொழில் பாதுகாப்பு மற்றும் சுகாதாரத் துறை துணை இயக்குநா் அலுவலகத்தில் வியாழக்கிழமை மாலை விழுப்புரம் மாவட்ட ஊழல் தடுப்பு மற்றும் கண்காணிப்புப் பிரிவு போலீஸாா் திடீா் சோதனை மேற்கொண்டனா்.

    ஊழல் தடுப்புப் பிரிவு துணைக் கண்காணிப்பாளா் யுவராஜ் தலைமையில், மாலை 4 மணிக்குச் சென்ற குழுவினா், அலுவலகத்தின் கதவுகளை மூடி சோதனையில் ஈடுபட்டனா். இரண்டரை மணி நேரம் நடைபெற்ற சோதனையில், அந்த அலுவலகத்தில் இருந்த ரொக்கப் பணம், பட்டாசுப் பெட்டிகள் உள்ளிட்ட ஆவணங்களை பறிமுதல் செய்தனா். அந்த அலுவலகத்தின் துணை இயக்குநா் இலக்கியா மற்றும் ஊழியா்களிடம் ஊழல் தடுப்புப் பிரிவு போலீஸாா் விசாரித்தனா். நிறைவாக கணக்கில் வராத ரூ.10 ஆயிரம் ரொக்கம், 5 பட்டாசுப் பெட்டிகளை பறிமுதல் செய்த ஊழல் தடுப்புப் பிரிவு போலீஸாா் அங்கிருந்து புறப்பட்டுச் சென்றனா்.

    இதுகுறித்து டி.எஸ்.பி. யுவராஜிடம் கேட்டபோது, தீபாவளி பண்டிகைக்காக மாவட்ட தொழில் பாதுகாப்பு அலுவலகத்துக்கு தொழில்சாலை நிா்வாகங்களால் பரிசுப் பொருள்கள் வழங்கப்படுவதாக கிடைத்த தகவலின்பேரில் திடீா் சோதனை நடத்தப்பட்டது என்றாா்.

    கடலூரில் ரூ.55 ஆயிரம் பறிமுதல்: கடலூா் செம்மண்டலத்தில் உள்ள தொழிலக பாதுகாப்பு மற்றும் சுகாதார இணை இயக்குநா் அலுவலகம் மற்றும் அருகிலுள்ள துணை இயக்குநா் அலுவலகத்தில் கடலூா் ஊழல் தடுப்பு மற்றும் கண்காணிப்புப் பிரிவு துணை கண்காணிப்பாளா் மெல்வின்ராஜாசிங் தலைமையிலான போலீஸாா் வியாழக்கிழமை மாலையில் திடீரென சோதனை நடத்தினா்.

    சுமாா் 3 மணி நேரத்துக்கும் மேலாக நடைபெற்ற இச்சோதனையில் கணக்கில் வராத பணம் ரூ.55 ஆயிரம் பறிமுதல் செய்யப்பட்டது. இதுதொடா்பாக அலுவலக ஊழியா்கள் மற்றும் இணை, துணை இயக்குநா்களிடமும் விசாரணை நடத்தப்பட்டு வருகிறது.

    திருவண்ணாமலையில் ரூ.50 ஆயிரம் பறிமுதல்: திருவண்ணாமலை காந்தி நகா் பகுதியில் மாவட்ட தொழிலக பாதுகாப்பு மற்றும் துணை இயக்குநா் அலுவலகம் இயங்கி வருகிறது. வியாழக்கிழமை மாலை திருவண்ணாமலை மாவட்ட ஊழல் தடுப்புப் பிரிவு ஆய்வாளா்கள் அருள்பிரசாத், மைதிலி ஆகியோா் தலைமையிலான போலீஸாா் இந்த அலுவலகத்தில் திடீா் சோதனை மேற்கொண்டனா். அப்போது, கணக்கில் வராத ரூ.50 ஆயிரம் சிக்கியது.

    இந்தப் பணம் எங்கிருந்து வந்தது என்பது குறித்தும், அலுவலகத்தின் வேறு எந்தப் பகுதியிலாவது பணம் பதுக்கி வைக்கப்பட்டிக்கிா எனவும் போலீஸாா் இரவு முழுவதும் சோதனை மேற்கொண்டு விசாரணை நடத்தினா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp