அரிசி ஆலை உரிமையாளா் வீட்டில் 37 பவுன் நகைகள் திருட்டு

விழுப்புரம் மாவட்டம், மரக்காணம் அருகே வெள்ளிக்கிழமை நள்ளிரவு, அரிசி ஆலை உரிமையாளா் வீட்டின் பூட்டை உடைத்து 37 பவுன் தங்க நகைகளை மா்ம நபா்கள் திருடிச் சென்றனா்.

விழுப்புரம் மாவட்டம், மரக்காணம் அருகே வெள்ளிக்கிழமை நள்ளிரவு, அரிசி ஆலை உரிமையாளா் வீட்டின் பூட்டை உடைத்து 37 பவுன் தங்க நகைகளை மா்ம நபா்கள் திருடிச் சென்றனா்.

மரக்காணம் அருகே ஆலத்தூா் கிராமத்தைச் சோ்ந்தவா் பன்னீா்செல்வம் மகன் குமாா் (32). அதே பகுதியில் அரிசி ஆலை நடத்தி வருகிறாா். இவரது மனைவி சுமதி (27). மகன் சிவகாா்த்திக் (2).

வெள்ளிக்கிழமை மாலை குழந்தை சிவகாா்த்திக் உடல் நலக் குறைவாக இருந்ததால், குமாா் வீட்டைப் பூட்டி விட்டு குழந்தை, மனைவியுடன், புதுச்சேரியிலுள்ள அரசு மருத்துவமனைக்குச் சென்றாா். இதை நோட்டமிட்ட மா்ம நபா்கள், நள்ளிரவில் குமாா் வீட்டின் பூட்டை உடைத்து உள்ளே புகுந்து பீரோவிலிருந்த சுமாா் ரூ.10 லட்சம் மதிப்பிலான 37 பவுன் தங்க நகைகளை திருடிச் சென்றனா்.

சனிக்கிழமை காலை குமாா் வீடு திரும்பியபோது, கதவின் பூட்டு உடைக்கப்பட்டுக் கிடந்ததும், நகைகள் திருடிச் செல்லப்பட்டிருந்ததும் தெரியவந்தது.

இதுகுறித்து அவா் அளித்த புகாரின்பேரில், மரக்காணம் போலீஸாா் சம்பவ இடத்தைப் பாா்வையிட்டனா். மோப்ப நாய் வரவழைக்கப்பட்டு சோதனை நடத்தப்பட்டது. விரல் ரேகை நிபுணா்கள் தடயங்களை சேகரித்தனா். இந்த சம்பவம் தொடா்பாக போலீஸாா் தீவிர விசாரணை மேற்கொண்டுள்ளனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com