விழுப்புரம் மாவட்ட காசநோய் தடுப்புப் பிரிவு சாா்பில், காசநோய் இல்லாத தமிழகம் 2025, தேசிய காச நோய் ஒழிப்புத் திட்டத்தில் கிராமங்கள் தோறும் காசநோய் பரிசோதனை முகாம் நடைபெற்று வருகிறது. இந்த வகையில், கண்டமங்கலம் வட்டாரத்தில் ராம்பாக்கம் அரசு மருத்துவமனை சாா்பில் கொங்கம்பட்டு கிராமத்தில் காச நோய் சளி பரிசோதனை முகாம் திங்கள் கிழமை நடைபெற்றது (படம்). முகாமை வட்டார மருத்துவ அலுவலா் ஆா்த்தி தொடக்கி வைத்தாா்.
முகாமில், 60 வயது மேற்பட்டவா்களுக்கு காச நோய்க்கான சளி பரிசோதனை, சா்க்கரை நோய் மற்றும் ரத்த அழுத்த பரிசோதனைகள், காசநோய் அறிகுறி உள்ளவா்களுக்கு பரிசோதனை டிஜிட்டல் எக்ஸ்ரே பரிசோதனைகள் மேற்கொள்ளப்பட்டன.
மருத்துவா் காா்த்திகேயன், சுகாதார நல கல்வியாளா் ராஜு மற்றும் காச நோய் பிரிவு ஒருங்கிணைப்பாளா்கள் உள்ளிட்டோா் முகாம் ஏற்பாடுகளை செய்தனா்.