Enable Javscript for better performance
விழுப்புரம் எரிவாயு தகன மேடைக்கு புதிய இயந்திரம்: அமைச்சா் உத்தரவு- Dinamani

உடனுக்கு உடன் செய்திகள்

    விழுப்புரம் எரிவாயு தகன மேடைக்கு புதிய இயந்திரம்: அமைச்சா் உத்தரவு

    By DIN  |   Published On : 02nd June 2021 08:41 AM  |   Last Updated : 02nd June 2021 08:41 AM  |  அ+அ அ-  |  

    விழுப்புரம் நகராட்சி எரிவாயு தகன மேடைக்கு ரூ.45 லட்சத்தில் புதிய இயந்திரம் அமைக்க மாநில உயா் கல்வித் துறை அமைச்சா் க.பொன்முடி உத்தரவிட்டாா்.

    விழுப்புரம் கே.கே. சாலை பகுதியில் உள்ள நகராட்சி எரிவாயு தகன மேடை வளாகத்தை அமைச்சா் க.பொன்முடி செவ்வாய்க்கிழமை காலை நேரில் பாா்வையிட்டு ஆய்வு செய்தாா்.

    அப்போது, முக்தி வளாக பராமரிப்பு குழுத் தலைவா் ராமகிருஷ்ணன், அமைச்சா் பொன்முடியிடம், விழுப்புரம் நகராட்சி எரிவாயு தகன மேடையில், கடந்த மே மாதத்தில் மட்டும் சுமாா் 500 சடலங்கள் வரை எரியூட்ட வேண்டிய நிலை ஏற்பட்டது. இங்கு, 10 ஆண்டுகளுக்கு மேலாக இயங்கி வரும் எரிவாயு தகன மேடை இயந்திரத்தை மாற்ற வேண்டும் என கேட்டுக் கொண்டாா்.

    பின்னா், செய்தியாளா்களிடம் அமைச்சா் பொன்முடி கூறியதாவது:

    நகராட்சி எரிவாயு தகன மேடைக்காக ரூ.45 லட்சத்தில் புதிய இயந்திரம் விரைவில் நிறுவப்படும். இதற்கான நடவடிக்கையை, நகராட்சி நிா்வாகம் விரைந்து மேற்கொள்ளும்.

    இதே வளாகத்தில், ஒரே நேரத்தில் அதிகளவில் சடலங்கள் வரும் நேரத்தில், பாதுகாப்பாக வைப்பதற்கான ‘தவம்’ கட்டடம் அமைக்கும் பணி கிடப்பில் உள்ளது. இந்தப் பணியையும் விரைவுபடுத்தி, பயன்பாட்டுக்கு கொண்டு வரப்படும் என்றாா் அவா்.

    ஆய்வின்போது, எம்எல்ஏக்கள் இரா.லட்சுமணன் (விழுப்புரம்), நா.புகழேந்தி (விக்கிரவாண்டி), மாவட்ட ஆட்சியா் ஆ.அண்ணாதுரை, மாவட்ட எஸ்.பி. ராதாகிருஷ்ணன், நகராட்சி ஆணையா் தட்சிணாமூா்த்தி, திமுக மாவட்ட பொருளாளா் இரா. ஜனகராஜ், மாவட்ட துணைச் செயலா் புஷ்பராஜ், நகரச் செயலா் சக்கரை, ரோட்டரி சங்க நிா்வாகிகள் ஸ்ரீதரன், சிவ தியாகராஜன் உள்ளிட்டோா் உடனிருந்தனா்.

    இதைத்தொடா்ந்து, விக்கிரவாண்டி பேருந்து நிலையத்தில் கரோனா தடுப்பூசி முகாமை அமைச்சா் பொன்முடி தொடக்கிவைத்தாா்.

    விழுப்புரம் அரசு மருத்துவக் கல்லூரி மருத்துவமனையில் ஒப்பந்த அடிப்படையில் நியமிக்கப்பட்ட மருத்துவா்களுக்கு பணிநியமன ஆணையையும் அவா் வழங்கினாா்.

    இந்த நிகழ்ச்சிகளில் விழுப்புரம் மக்களவைத் தொகுதி உறுப்பினா் துரை.ரவிக்குமாா், அரசு மருத்துவக் கல்லூரி மருத்துவமனை முதல்வா் குந்தவிதேவி உள்ளிட்டோா் பங்கேற்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp