குளத்தில் மூழ்கி பள்ளி மாணவி பலி

விழுப்புரம்: விழுப்புரம் மாவட்டம், விக்கிரவாண்டி அருகே குளத்தில் மூழ்கி பள்ளி மாணவி புதன்கிழமை உயிரிழந்தாா்.

விக்கிரவாண்டி அருகே ஆசூரைச் சோ்ந்தவா் அய்யனாா். இவரது மகள் நிஷாந்தி (13). அப்பகுதி பள்ளியில் 8-ஆம் வகுப்பு படித்து வந்தாா். இவா், தனது தங்கை கோமதி(11), பள்ளித் தோழிகளான அதே ஊரைச் சோ்ந்த சிவக்குமாா் மகள் ஜீவிதா(13), ராஜவேல் மகள் லட்சுமி பிரியா(12) ஆகியோருடன் புதன்கிழமை பிற்பகல் 3.30 மணியளவில் அந்தப் பகுதியில் உள்ள நல்ல தண்ணீா் குளத்தில் குளிக்கச் சென்றாா்.

குளத்தில் குளித்துக் கொண்டிருக்கும்போது நிஷாந்தி உள்ளிட்ட நான்கு சிறுமிகளும் ஆழமான பகுதிக்குச் சென்று மூழ்கினா். அவா்கள் கூச்சலிடுவதைக் கேட்ட அங்கிருந்த இளைஞா்கள், பொதுமக்கள் குளத்தில் குதித்து சிறுமிகளை மீட்டனா். இவா்களில் மயங்கிய நிலையில் இருந்த நிஷாந்தியை, விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு நிஷாந்தி உயிரிழந்தாா். மற்ற மூவரும் சிகிச்சை பெற்றனா். விக்கிரவாண்டி போலீஸாா் விசாரணை நடத்தி வருகின்றனா்.