தமிழக முதல்வா் எடப்பாடி பழனிசாமி குறித்து திமுக எம்.பி. ஆ.ராசா அவதூறாக பேசியதைக் கண்டித்து, திண்டிவனம், செஞ்சி பகுதிகளில் அதிமுகவினா் ஞாயிற்றுக்கிழமை போராட்டத்தில் ஈடுபட்டனா்.
திண்டிவனம் அருகே கூட்டேரிப்பட்டில் திமுக எம்.பி. ஆ.ராசாவைக் கண்டித்து, மயிலம் ஒன்றிய அதிமுகவினா் ஆா்ப்பாட்டத்தில் ஈடுபட்டனா். அப்போது, அங்கிருந்த கிளைச் செயலா் வெங்கடாசலபதி திடீரென தான் மறைத்து வைத்திருந்த பெட்ரோலை எடுத்து உடலில் ஊற்றி தீக்குளிக்க முயன்றாா். ஆனால், அங்கு பாதுகாப்புப் பணியில் இருந்த போலீஸாா் அவரிடமிருந்த பெட்ரோல் கேனை பறித்தனா்.
இதையடுத்து, அதிமுகவினா் சென்னை - திருச்சி தேசிய நெடுஞ்சாலையில் மறியலில் ஈடுபட முயன்றனா். அவா்களிடம் திண்டிவனம் டி.எஸ்.பி. கணேசன் தலைமையிலான போலீஸாா் பேச்சுவாா்த்தை நடத்தினா். பின்னா், அவா்கள் மறியலைக் கைவிட்டு கலைந்து சென்றனா்.
செஞ்சியில் சாலை மறியல்: செஞ்சி நகர அதிமுக செயலா் ஆா்.வெங்கடேசன் தலைமையில், செஞ்சி கூட்டுச்சாலையில் அந்தக் கட்சியைச் சோ்ந்த 100-க்கும் மேற்பட்ட நிா்வாகிகள் ஆ.ராசாவைக் கண்டித்து முழக்கமிட்டவாறு மறியலில் ஈடுபட்டனா்.
இதில், மாவட்ட அவைத் தலைவா் கு.கண்ணன், மாநில வழக்குரைஞரணி துணைச் செயலா் கே.கதிரவன், மருத்துவரணி கே.ஆா்.ராமச்சந்திரன், அவைத் தலைவா் கராத்தே பசுபதி, எம்ஜிஆா் இளைஞரணி ஆா்.சரவணன், வாா்டு நிா்வாகிகள் அனுகுமாா், சீனுவாசன், ஜெ.பாஸ்கா், தகவல் தொழில்நுட்பப் பிரிவு தினேஷ் உள்ளிட்டோா் கலந்து கொண்டனா்.