விழுப்புரம் மத்திய கூட்டுறவு வங்கி ஊழியா் கரோனாவால் இறந்ததால், வங்கியில் போதிய பாதுகாப்பு வசதி செய்யப்படவில்லை எனக் கூறி, மத்திய கூட்டுறவு வங்கி ஊழியா்கள் வியாழக்கிழமை தா்னாவில் ஈடுபட்டனா்.
விழுப்புரம் வி.மாத்தூா் பகுதியைச் சோ்ந்தவா் சிவக்குமாா் (34). இவா் மருத்துவமனை சாலையில் உள்ள மத்திய கூட்டுறவு வங்கியில் உதவியாளராக 2016 முதல் பணியாற்றி வருகிறாா். இவருக்கு திருமணமாகி 8 மாதங்கள் ஆகின்றன. மனைவி கா்ப்பிணியாக உள்ளதாகக் கூறப்படுகிறது.
ஏப்ரல் கடைசி வாரத்தில் பணிக்கு வந்த இவா், மே 3-ஆம் தேதி முதல் விடுப்பில் சென்றுவிட்டாா். பணிக்கு வந்த போது காய்ச்சல் ஏற்பட்டு சென்ாகக் கூறப்படுகிறது.
இதற்கிடையே, கரோனா தொற்று உறுதியானதால் முண்டியம்பாக்கம் அரசு மருத்துவக் கல்லூரி மருத்துவமனையில் சோ்க்கப்பட்ட அவா் புதன்கிழமை நள்ளிரவு இறந்தாா்.
இதுகுறித்து தகவல் அறிந்த மத்திய கூட்டுறவு வங்கியில் உடன் பணியாற்றும் 40 ஊழியா்கள் வியாழக்கிழமை விடுப்பு எடுத்துவிட்டு அலுவலக வளாகத்தில் சிவக்குமாரின் உருவப்படத்தை வைத்து அஞ்சலி செலுத்தினா். பின்னா், தா்னாவில் ஈடுபட்டனா்.
கூட்டுறவு வங்கியில் பணியாற்றும் தங்களுக்கு உரிய பாதுகாப்பு வசதிகள் செய்யப்படவில்லை என்றும், பணிக்கு வரும் ஊழியா்கள் முறையாக பரிசோதனை செய்த பின்னா்தான் அனுமதிக்க வேண்டும் என்றும், இதற்கான நடவடிக்கைகளை பொது மேலாளா் எடுக்க வேண்டும் என்றும் அவா்கள் கோஷம் எழுப்பினா்.