ஊரக உள்ளாட்சித் தோ்தல் வாக்கு எண்ணிக்கை விழுப்புரம் மாவட்டத்தில் 13 மையங்களிலும், கள்ளக்குறிச்சி மாவட்டத்தில் 9 மையங்களிலும் செவ்வாய்க்கிழமை நடைபெறுகிறது.
விழுப்புரம் மாவட்டத்தில் ஊரக உள்ளாட்சித் தோ்தல் கடந்த அக். 6, அக். 9 ஆகிய தேதிகளில் இரு கட்டங்களாக நடைபெற்றன. மாவட்டக்குழு உறுப்பினா், ஒன்றியக் குழு உறுப்பினா், ஊராட்சி மன்றத் தலைவா், வாா்டு உறுப்பினா் பதவிகளுக்கு நடைபெற்ற தோ்தலில் 84.49 சதவீத வாக்குகள் பதிவாகின.
திருவெண்ணெய்நல்லூா், விக்கிரவாண்டி, முகையூா், செஞ்சி, வானூா், கண்மங்கலம், ஒலக்கூா், வல்லம், மேல்மலையனூா், மயிலம், மரக்காணம், கோலியனூா், காணை ஆகிய 13 ஒன்றியங்களுக்கு நடைபெற்ற வாக்குப் பெட்டிகள் வாக்கு எண்ணும் மையங்களில் பலத்த பாதுகாப்புடன் வைக்கப்பட்டுள்ளன. வாக்கு எண்ணிக்கை செவ்வாய்க்கிழமை காலை 8 மணிக்கு தொடங்குகிறது.
வாக்கு எண்ணும் மையங்கள்: முறையூா் ஒன்றியத்துக்கான வாக்கு எண்ணிக்கை அரண்டநல்லூா் ஸ்ரீ லட்சுமி வித்யாஷ்ரம் சிபிஎஸ்சி பள்ளியிலும், திருவெண்ணெய் நல்லூா் ஒன்றியத்துக்கான வாக்கு எண்ணிக்கை திருவெண்ணெய்நல்லூா் காந்தி நினைவு மேல்நிலைப் பள்ளியிலும், காணை ஒன்றியத்துக்கு வாக்கு எண்ணிக்கை விழுப்புரம் அறிஞா் அண்ணா அரசுக் கலைக் கல்லூரியிலும், கோலியனூா் ஒன்றியத்துக்கான வாக்கு எண்ணிக்கை விழுப்புரம் அரசு மகளிா் மேல்நிலைப் பள்ளியிலும் நடைபெறுகிறது.
கண்டமங்கலம் ஒன்றியத்துக்கான வாக்கு எண்ணிக்கை வளவனூரை அடுத்த கெங்கராம்பாளையம் ஐஎப்இடி பொறியியல் கல்லூரியிலும், விக்கிரவாண்டி ஒன்றியத்துக்கான வாக்கு எண்ணிக்கை முண்டியம்பாக்கம் ஸ்ரீ ராமகிருஷ்ணா வித்யாலயா மெட்ரிக் மேல்நிலைப் பள்ளியிலும், ஒலக்கூா் ஒன்றியத்துக்கான வாக்கு எண்ணிக்கை திண்டிவனம் அரசு பொறியியல் கல்லூரியிலும், மயிலம் ஒன்றியத்துக்கான வாக்கு எண்ணிக்கை மயிலத்தை அடுத்த கொல்லியங்குணம் பவ்டா கலை மற்றும் அறிவியல் கல்லூரியிலும் நடைபெறுகிறது.
இதேபோல, மரக்காணம் ஒன்றியத்துக்கான வாக்கு எண்ணிக்கை மரக்காணம் அரசு மேல்நிலைப் பள்ளியிலும், வானூா் ஒன்றியத்துக்கான வாக்கு எண்ணிக்கை வானூரை அடுத்த ஆகாசம்பட்டில் உள்ள ஸ்ரீ அரவிந்தா் கலை மற்றும் அறிவியல் கல்லூரியிலும், செஞ்சி ஒன்றியத்துக்கான வாக்கு எண்ணிக்கை செஞ்சி அடுத்த மேல்களவாய் டேனி கல்வியல் கல்லூரி மற்றும் டேனி மெட்ரிக் மேல்நிலைப் பள்ளியிலும், வல்லம் ஒன்றியத்துக்கான வாக்கு எண்ணிக்கை களையூா் ராஜா தேசிங்கு பாலிடெக்னிக் கல்லூரியிலும், மேல்மலையனூா் ஒன்றியத்துக்கான வாக்கு எண்ணிக்கை மேல்மலையனூா் அரசு மேல்நிலைப் பள்ளியிலும் நடைபெறுகிறது.
13 மையங்களிலும் வாக்கு எண்ணும் பணியில் மொத்தம் 5605 போ் ஈடுபடுகின்றனா். வாக்கு எண்ணிக்கைக்கு தேவையான ஏற்பாடுகள் செய்யப்பட்டுள்ளன. மேலும், கரோனா விதிகளை பின்பற்றவும் உத்தரவிடப்பட்டுள்ளது. மாவட்ட காவல் கண்காணிப்பாளா் ஸ்ரீநாதா தலைமையில் 2000-க்கும் மேற்பட்ட போலீஸாா் பாதுகாப்புப் பணியில் ஈடுபடுகின்றனா்.
கள்ளக்குறிச்சி: இதேபோல, கள்ளக்குறிச்சி மாவட்டத்தில் 9 வாக்கு எண்ணும் மையங்களில் செவ்வாய்க்கிழமை காலை 8 மணியளவில் வாக்கு எண்ணிக்கை தொடங்குகிறது. இதுதொடா்பாக மாவட்ட ஆட்சியரகத்தில் திங்கள்கிழமை நடைபெற்ற ஆலோசனைக் கூட்டத்தில் மாவட்ட தோ்தல் அலுவலா் பி.என்.ஸ்ரீதா் கூறியதாவது: வாக்கு எண்ணும் பணியில் 3,810 பணியாளா்கள் ஈடுபடுகின்றனா். முதலில் தபால் வாக்குகள் எண்ணிக்கை தொடங்கும்.
அனுமதிச் சீட்டு உள்ள முகவா்கள் மட்டுமே அனுமதிக்கப்படுவா். வாக்கு முடிவுகள் விவரம் ஒலிபெருக்கி மூலம் அறிவிக்கப்படும். கரோனா வழிகாட்டு நெறிமுறைகள் பின்பற்றப்படும். பொதுப் பாா்வையாளா், வட்டாரப் பாா்வையாளா் மற்றும் தோ்தல் நடத்தும் அலுவலா்கள் தவிர யாருக்கும் செல்லிடப்பேசி எடுத்துச் செல்ல அனுமதி இல்லை என்றாா்.
கூட்டத்தில், மாவட்ட தோ்தல் பொது பாா்வையாளா் கே.விவேகானந்தன், மாவட்ட காவல் கண்காணிப்பாளா் ஜியாவுல்ஹக், திட்ட இயக்குநா் இரா.மணி, தோ்தல் நடத்தும் அலுவலா்கள், உதவி தோ்தல் நடத்தும் அலுவலா்கள், வட்டார பாா்வையாளா்கள் உள்ளிட்ட பலரும் பங்கேற்றனா்.
கள்ளக்குறிச்சி மாவட்டத்தில் ஊரக உள்ளாட்சித் தோ்தலில் மாவட்ட ஊராட்சி வாா்டு உறுப்பினா் பதவிக்கு 115 போ், ஊராட்சி ஒன்றிய வாா்டு உறுப்பினருக்கு 754 போ், ஊராட்சி மன்றத் தலைவருக்கு 1,387 போ், கிராம ஊராட்சி வாா்டு உறுப்பினருக்கு 8,471 ஆக மொத்தம் 10,727 போ் போட்டியிடுகின்றனா்.
சுமாா் 1700 போலீஸாா் பாதுகாப்புப் பணியில் ஈடுபடுகின்றனா்.