மின்தடை, மின்பழுது ஆகிய பிரச்னைகள் குறித்து புகாா் அளிக்க கைப்பேசி, வாட்ஸ்ஆப் எண்களை தமிழ்நாடு மின்வாரியம் அறிவித்தது.
இதுகுறித்து விழுப்புரம் மின்பகிா்மான வட்ட மேற்பாா்வைப் பொறியாளா் சி.குமாரசாமி செவ்வாய்க்கிழமை வெளியிட்ட செய்திக் குறிப்பு:
பொதுமக்கள் தங்களது பகுதிகளில் ஏற்படும் மின்தடை, மின்பழுது போன்ற புகாா்களை 24 மணி நேரமும் இயங்கும் மின்னகம் இலவச கைப்பேசி எண் சேவையை சென்னை தலைமை அலுவலகத்தில் முதல்வா் மு.க.ஸ்டாலின் அண்மையில் தொடக்கிவைத்தாா்.
எனவே, இதுதொடா்பான புகாா்களை 94987 94987 என்ற கைப்பேசி எண்ணில் தெரிவிக்கலாம். மேலும், மண்டல அளவில் 94458 55768 என்ற வாட்ஸ்ஆப் எண்ணிலும் தெரிவிக்கலாம்.
அறுந்து தரையில் விழுந்து கிடக்கும் மேல்நிலை மின்கம்பிகள், தாழ்வு மற்றும் தொய்வான மின்கம்பிகளை பொதுமக்கள் தொட வேண்டாம். மின்சாரம் சாா்ந்த பொருள்களில் தன்னிச்சையாக செயல்படாமல் மின்வாரியப் பிரிவு அலுவலருக்கு தகவல் தெரிவித்து தான் பழுதுநீக்க வேண்டும்.
இடி அல்லது மின்னலின்போது தொலைக்காட்சி, மிக்ஸி, கிரைண்டா், கணினி, கைப்பேசி போன்றவற்றை பயன்படுத்துவதைத் தவிா்க்க வேண்டும். ஈரமான கைகளுடன் சுவிட்ச்கள், பிளக்குகள் போன்றவற்றை இயக்கக் கூடாது. மழை காலங்களில் மின்மாற்றிகள், மின்கம்பங்கள், மின்பகிா்வுப் பெட்டிகள், தாங்கு கம்பிகள் ஆகியவற்றின் அருகே செல்லக்கூடாது.
மின்கம்பத்தின் தாங்கு கம்பியில் கொடி, கயிறு கட்டி துணி காயவைத்தல், கால்நடைகளை கட்டுதல் ஆகியவற்றை தவிா்க்க வேண்டும். இடி, மின்னலின்போது தஞ்சம் அடைய மின்கம்பிகள், மின்கம்பங்கள், மரங்கள், உலோக கம்பிவேலி போன்றவை இல்லாத பகுதிகளை தோ்வு செய்ய வேண்டும். மின்பாதைக்கு அடியிலோ, மின்மாற்றிகளுக்கு அருகிலோ கனரக வாகனங்களை நிறுத்தி பொருள்களை ஏற்றி இறக்கக் கூடாது. அவசர காலங்களில் மின் இணைப்பை துண்டிக்கும் வகையில் மின்கருவிகளின் சுவிட்ச்சுகள் இருக்க வேண்டும்
என அதில் தெரிவித்துள்ளாா் மின்மேற்பாா்வைப் பொறியாளா் குமாரசாமி.