முகப்பு அனைத்துப் பதிப்புகள் விழுப்புரம் விழுப்புரம்
கோட்டக்குப்பம் காவல் நிலையத்தில் ஐ.ஜி. திடீா் ஆய்வு
By DIN | Published On : 07th February 2022 11:54 PM | Last Updated : 07th February 2022 11:54 PM | அ+அ அ- |
கோட்டக்குப்பம் காவல் நிலையத்தில் மரக்கன்றை நட்டு வைத்த வடக்கு மண்டல ஐ.ஜி. சந்தோஷ்குமாா்.
விழுப்புரம் மாவட்டத்துக்கு உள்பட்ட கோட்டக்குப்பம் காவல் நிலையத்தில் வடக்கு மண்டல ஐ.ஜி. சந்தோஷ்குமாா் திங்கள்கிழமை திடீா் ஆய்வு மேற்கொண்டாா்.
அப்போது, காவல் நிலையத்தில் பராமரிக்கப்படும் ஆவணங்கள், பதிவேடுகளை ஐ.ஜி. சந்தோஷ்குமாா் பாா்வையிட்டாா். பின்னா், நிலுவையில் உள்ள வழக்குகள் , பெண்கள், குழந்தைகளுக்கு எதிரான குற்றங்கள், ரெளடிகள் மீதான நடவடிக்கை உள்ளிட்டவை குறித்து அவா் கேட்டறிந்தாா்.
இதையடுத்து, காவல் நிலைய வளாகத்தைத் தூய்மையாகப் பராமரிக்க வேண்டும் என்றும் கரோனா தடுப்பு விதிமுறைகளை முறையாகப் பின்பற்ற வேண்டும் என்று போலீஸாரை ஐ.ஜி. அறிவுறுத்தினாா். இதன்பின்னா், காவல் நிலைய வளாகத்தில் ஐ.ஜி. மரக்கன்றுகளை நட்டாா்.
ஆய்வின்போது, டி.ஐ.ஜி. பாண்டியன், மாவட்ட எஸ்.பி. ஸ்ரீநாதா உள்ளிட்டோா் உடனிருந்தனா்.
