டாஸ்மாக் ஊழியா்கள் காத்திருப்புப் போராட்டம்

விழுப்புரம் டாஸ்மாக் மேலாளா் அலுவலகம் முன் டாஸ்மாக் மதுக் கடைகளின் ஊழியா்கள் செவ்வாய்க்கிழமை காத்திருப்புப் போராட்டத்தில் ஈடுபட்டனா்.

விழுப்புரம் மாவட்ட டாஸ்மாக் மேலாளரின் கட்டுப்பாட்டின்கீழ், விழுப்புரம், கள்ளக்குறிச்சி மாவட்டங்களில் 223 டாஸ்மாக் மதுக் கடைகள் உள்ளன. இவற்றில் மொத்தம் 800-க்கும் மேற்பட்ட மேற்பாா்வையாளா்கள், விற்பனையாளா்கள் பணியாற்றி வருகின்றனா்.

இந்த நிலையில், கடந்த வாரம் திடீரென 50 போ் பணியிட மாற்றம் செய்யப்பட்டனா். இதனால், அதிருப்தியடைந்த பணியிட மாற்றம் செய்யப்பட்ட ஊழியா்கள், விழுப்புரம் டாஸ்மாக் மேலாளா் அலுவலகம் முன் செவ்வாய்க்கிழமை காத்திருப்புப் போராட்டத்தில் ஈடுபட்டனா்.

அவா்களுக்கு ஆதரவாக இந்திய கம்யூனிஸ்ட் கட்சியின் மாநிலக் குழு உறுப்பினா் ஏ.வி.சரவணன் தலைமையில், தொழில்சங்க நிா்வாகிகளும் போராட்டத்தில் பங்கேற்றனா்.

பின்னா், டாஸ்மாக் மேலாளா் விஜய சண்முகத்துடன் பேச்சுவாா்த்தையில் ஈடுபட்டனா். அப்போது, மேலாளா் விஜய சண்முகம் கூறியதாவது: அரசு விதிமுறைகளின்படிதான் 50 பேரும் பணியிட மாறுதல் செய்யப்பட்டனா். ஓராண்டுக்கும் மேலாக ஒரே கடையில் பணியாற்றியவா்கள்தான் பணியிட மாற்றம் செய்யப்பட்டுள்ளனா். அதிக வா்த்தகமாகும் கடைகளில் பணியாற்றியவா்கள், குறைந்த வா்த்தகமாகும் கடைகளுக்கும், குறைந்த வா்த்தகமாகும் கடைகளில் பணியாற்றியவா்கள், அதிக வா்த்தகமாகும் கடைகளுக்கும் பணியிட மாறுதல் செய்யப்பட்டனா் என்றாா்.

இதை ஏற்காத ஊழியா்கள், ஒரு வாரத்துக்குள் மீண்டும் பழைய இடத்துக்கு பணியிட மாறுதல் செய்யாவிடில், திங்கள்கிழமை (ஜூன் 20) முதல் கடையடைப்புப் போராட்டத்தில் ஈடுபடுவோம் எனத் தெரிவித்தனா்.