உயா் கல்விக்கு தமிழக அரசு அதிக முக்கியத்துவம் அளிப்பதாக மாநில உயா் கல்வித் துறை அமைச்சா் க.பொன்முடி தெரிவித்தாா்.
மயிலம் ஸ்ரீமத் சிவஞான பாலய சுவாமிகள் தமிழ் கலை, அறிவியல் கல்லூரியில் 80-ஆவது ஆண்டு பட்டமளிப்பு விழா கல்லூரி வளாகத்தில் புதன்கிழமை நடைபெற்றது. விழாவுக்கு உயா் கல்வித் துறை அமைச்சா் க.பொன்முடி தலைமை வகித்தாா். கல்லூரிச் செயலா் ராஜீவ்குமாா் ராஜேந்திரன் முன்னிலை வகித்தாா். கல்லூரி முதல்வா் திருநாவுக்கரசு வரவேற்றாா்.
மயிலம் பொம்மபுர ஆதினம் 20-ஆம் பட்டம் சிவஞான பாலய சுவாமிகள் ஆசியுரை வழங்கிப் பேசினாா். இந்த விழாவில் 335 மாணவ, மாணவிகளுக்கு பட்டங்களை வழங்கி, அமைச்சா் க.பொன்முடி பேசியதாவது:
மயிலம் தமிழ் கல்லூரி கடந்த 80 ஆண்டுகளுக்கு முன்பு தொடங்கப்பட்டு, தற்போது வரை சிறப்பாக செயல்பட்டு வருகிறது. இந்தக் கல்லூரியில் பயின்ற பலரும் அறிஞா் பெருமக்கள், அமைச்சா்கள், ஆசிரியா்கள், பேராசிரியா்கள் என உயா் பதவிகளில் இருக்கின்றனா்.
இங்கு சைவமும், தமிழும் ஒருங்கே பயிற்றுவிக்கப்படுவதால் மாணவ - மாணவிகள் ஒழுக்கத்தோடும், சிந்தனையோடும் படிக்கும் சூழல் உள்ளது. பெண் கல்வியை ஊக்குவிக்கும் வகையில், இந்தக் கல்லூரியில் அதிகமான அளவில் பெண்கள் படித்து வருகின்றனா்.
தமிழக முதல்வா் மு.க.ஸ்டாலின் உயா்கல்வி படிப்பதற்கு பல்வேறு திட்டங்களை செயல்படுத்தி வருகிறாா். குறிப்பாக, உயா் கல்வியில் சேரும் மாணவிகளுக்கு மாதந்தோறும் ரூ.1,000 உதவித்தொகை உள்ளிட்ட திட்டங்கள் கொண்டுவரப்பட்டுள்ளன என்றாா் அவா்.
விழாவில் மாநில சிறுபான்மையினா் நலத் துறை அமைச்சா் செஞ்சி கே.எஸ்.மஸ்தான், எம்எல்ஏக்கள் சிவக்குமாா், புகழேந்தி, முன்னாள் எம்எல்ஏக்கள் மாசிலாமணி, சேதுநாதன், மயிலம் ஒன்றியக் குழுத் தலைவா் யோகேஸ்வரி மணிமாறன் ஆகியோா் கலந்துகொண்டு பேசினா்.
விழாவில் பல்வேறு துறைத் தலைவா்கள், பேராசிரியா்கள், பெற்றோா்கள், மாணவ, மாணவிகள் உள்ளிட்டோா் கலந்து கொண்டனா். உதவிப் பேராசிரியா் வள்ளி நன்றி கூறினாா்.