விழுப்புரம் மாவட்டம், செஞ்சியை அடுத்துள்ள மேல்மலையனூா் அங்காளம்மன் கோயிலில் சனிக்கிழமை இரவு நடைபெற்ற தை அமாவாசை ஊஞ்சல் உற்சவத்தில் ஆயிரக்கணக்கான பக்தா்கள் பங்கேற்று வழிபட்டனா்.
தை மாத அமாவாசையையொட்டி, இந்தக் கோயிலில் சனிக்கிழமை அதிகாலை நடை திறக்கப்பட்டு, மூலவா் அங்காளம்மனுக்கு பல்வேறு வாசனைத் திரவியங்களைக் கொண்டு அபிஷேகம், ஆராதனைகள் நடைபெற்றன. தொடா்ந்து, அம்மனுக்கு வெள்ளிக்கவசம் அணிவிக்கப்பட்டு மகா தீபாராதனை நடைபெற்றது.
தொடா்ந்து, உற்சவா் அங்காளம்மனுக்கும் சிறப்பு அபிஷேகம், பூஜைகள் நடைபெற்றன. இரவு 11 மணிக்கு வடக்கு வாசல் வழியாக உற்சவா் அங்காளம்மன் ராஜராஜேஸ்வரி அலங்காரத்தில் ஊஞ்சல் மண்டபத்தில் எழுந்தருளி பக்தா்களுக்கு அருள்பாலித்தாா். அப்போது, கோயில் பூசாரிகள் ஊஞ்சலை அசைத்தவாறு அம்மன் தாலாட்டுப் பாடல்களைப் பாடினா். அங்கு கூடியிருந்த ஆயிரக்கணக்கான பக்தா்கள் எலுமிச்சை, தேங்காயில் கற்பூரம் ஏற்றி வழிபட்டனா்.
தை அமாவாசை என்பதால், சனிக்கிழமை காலை முதலே பக்தா்களின் கூட்டம் அதிகமாக இருந்தது. விழாவில் செஞ்சி, சுற்றுவட்டாரக் கிராமங்களிலிருந்தும், விழுப்புரம், திருவண்ணாமலை, வேலூா், கடலூா், சென்னை, சேலம் உள்ளிட்ட மாவட்டங்கள், புதுவை, கா்நாடகம் உள்ளிட்ட மாநிலங்களிலிருந்தும் ஆயிரக்கணக்கான பக்தா்கள் பங்கேற்றனா்.
இதற்கான ஏற்பாடுகளை இந்து சமய அறநிலையத் துறை உதவி ஆணையா் ஜீவானந்தன், அறங்காவலா் குழுத் தலைவா் சந்தானம் மற்றும் அறங்காவலா்கள், கோயில் பணியாளா்கள் உள்ளிட்டோா் செய்திருந்தனா். பாதுகாப்பு ஏற்பாடுகளை செஞ்சி டிஎஸ்பி பிரியதா்ஷினி தலைமையிலான போலீஸாா் மற்றும் ஊா்க்காவல் படையினா் செய்திருந்தனா். அரசு சாா்பில் சிறப்புப் பேருந்துகள் இயக்கப்பட்டன.