விழுப்புரம் மாவட்டத்தில் கோலியனூா், காணை ஒன்றியங்களில் நடைபெற்று வரும் திட்டப் பணிகளை மாவட்ட ஆட்சியா் சி.பழனி வியாழக்கிழமை ஆய்வு செய்தாா்.
கோலியனூா் ஒன்றியம், நன்னாடு ஊராட்சியில் சொட்டுநீா்ப் பாசனம் மூலம் புடலங்காய் சாகுபடி நடைபெறுவதைப் பாா்வையிட்ட ஆட்சியா், தோகைப்பாடி ஊராட்சியில் 7 ஏக்கரில் மரக்கன்றுகள் நடவு வயலையும் பாா்வையிட்டாா். மேலும் இந்த கிராமத்தில் ஆரம்ப சுகாதார நிலையத்தில் ஆய்வு செய்த ஆட்சியா், காணை கால்நடை மருந்தகம், மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் ரூ.5.25 லட்சத்தில் கட்டப்பட்டு வரும் சமுதாயக்கூடம் கட்டுமானப் பணிகள், பப்பாளி சாகுபடி போன்றவற்றையும் பாா்வையிட்டாா்.
கருங்காலிப்பட்டியில் அனைத்துக் கிராம அண்ணா மறுமலா்ச்சித் திட்டத்தின் கீழ் நூலகக் கட்டுமானப் பணிகள், சோழம்பூண்டியில் வெள்ளரி சாகுபடி போன்றவற்றையும் பாா்வையிட்டு ஆட்சியா் ஆய்வு செய்தாா்.
ஆய்வின்போது வேளாண் இணை இயக்குநா் கணேசன், துணை இயக்குநா் பெரியசாமி,
தோட்டக்கலைத் துறை துணை இயக்குநா் அன்பழகன், கால்நடைப் பராமரிப்புத் துறை இணை இயக்குநா் ராஜேந்திரன் உள்ளிட்டோா் உடனிருந்தனா்.