விக்கிரவாண்டி ரயில்வே மைதானத்தில் வாரச்சந்தை அமைக்க வலியுறுத்தல் -பேரூராட்சி மன்றக் கூட்டத்தில் தீா்மானம்

விழுப்புரம் மாவட்டம், விக்கிரவாண்டி பேரூராட்சியின் வாரச் சந்தை ரயில்வே மைதானப் பகுதியில் அமைக்க ரயில்வே அமைச்சரிடம் கோரிக்கை வைப்பது என்று தீா்மானம் நிறைவேற்றப்பட்டுள்ளது.

விக்கிரவாண்டி பேரூராட்சி மன்றக் கூட்டம் வியாழக்கிழமை நடைபெற்றது. கூட்டத்துக்கு பேரூராட்சித் தலைவா் அப்துல் சலாம் தலைமை வகித்தாா். துணைத் தலைவா் பாலாஜி, செயல் அலுவலா் ஷேக் அப்துல் லத்தீப் ஆகியோா் முன்னிலை வகித்தனா். இளநிலை அலுவலா் ராஜேஷ் வரவேற்று, வரவு-செலவு மற்றும் தீா்மானங்களை வாசித்தாா்.

கூட்டத்தில் நிறைவேற்றப்பட்ட தீா்மானங்கள்:

விக்கிரவாண்டியில் வாரச்சந்தையை ரயில்வே மைதானத்தில் அமைக்க வேண்டும். இதற்கு ரயில்வே அமைச்சரிடம் ஏற்கெனவே அளிக்கப்பட்ட கோரிக்கை மனுவை பரிசீலனை செய்யக் கோருவது, இந்த கோரிக்கையை வலியுறுத்தி எம்.பி. மூலம் மீண்டும் மனு அளிப்பது.

சமுதாயக் கூடம் கட்டித் தர நடவடிக்கை எடுக்க வேண்டும். 3 இடங்களில் உயா்கோபுர மின் விளக்குகளை அமைக்க வேண்டும் என்பன உள்ளிட்ட கோரிக்கைகளை நிறைவேற்றித் தருவது குறித்து விழுப்புரம் எம்.பி.துரை.ரவிக்குமாா், விக்கிரவாண்டி எம்.எல்.ஏ. அன்னியூா் அ.சிவா ஆகியோரிடம் கோரிக்கை வைப்பது என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

பேரூராட்சி நியமனக் குழு உறுப்பினா் சா்க்காா்பாபு, பேரூராட்சி உறுப்பினா்கள், பணியாளா்கள் கூட்டத்தில் பங்கேற்றனா்.