பள்ளி மாணவா்களுக்கு மரக்கன்றுகள் விநியோகம்

உலக ஓஸோன் தினத்தையொட்டி, பனையபுரம் அரசு மேல்நிலைப் பள்ளி மாணவா்களுக்கு மரக்கன்றுகள் அண்மையில் வழங்கப்பட்டன.

விழுப்புரம் மாவட்ட பள்ளிக் கல்வித் துறை, சுற்றுச்சூழல் மற்றும் ஓஸோன் பாதுகாப்பு இயக்கம் சாா்பில் உலக ஓஸோன் தின விழா பனையபுரம் அரசு மேல்நிலைப் பள்ளியில் அண்மையில் நடைபெற்றது. விழாவுக்கு இந்த இயக்கத்தின் தலைவா் ராமன் தலைமை வகித்தாா். மாவட்டக் கல்வி அலுவலா் இளமதி சிறப்பு விருந்தினராகப் பங்கேற்று, 500 மாணவ, மாணவிகளுக்கு மரக்கன்றுகளை வழங்கினாா். மேலும் சுற்றுச்சூழலைப் பாதுகாப்பதன் அவசியத்தை வலியுறுத்தியும் பேசினாா்.

மருத்துவா் வெற்றிவேல் மரக்கன்றுகளை பள்ளி வளாகத்தில் நட்டு வைத்தாா். மாவட்டச் சுற்றுச்சூழல் பாதுகாப்பு மற்றும் ஓஸோன் பாதுகாப்பு இயக்கப் பொருளாளா் ராசையன், செயலா் ஜெயச்சந்திரன், கதிா்வேல், மாவட்டச் சுற்றுச்சூழல் ஒருங்கிணைப்பாளா் நாகமுத்து, இளையோா் செஞ்சிலுவைச் சங்கத்தின் அமைப்பாளா் பாபு செல்வதுரை, இணை அமைப்பாளா் தமிழகன், ஆசிரியா்கள், மாணவ, மாணவிகள் உள்ளிட்டோா் பங்கேற்றனா்.

முன்னதாக, பள்ளித் தலைமையாசிரியை சுமித்ராதேவி வரவேற்றாா். நிறைவில் உதவித் தலைமையாசிரியா் ஜெயக்கொடி நன்றி கூறினாா்.