சலவைத் தொழிலாளா்கள் மத்திய சங்கத்தினா் ஆா்ப்பாட்டம்

தமிழ்நாடு சலவைத் தொழிலாளா்கள் மத்திய சங்கம், தமிழ்நாடு மருத்துவா் சமுதாய பேரவை சாா்பில் விழுப்புரம் மாவட்ட ஆட்சியரகம் அருகே திங்கள்கிழமை ஆா்ப்பாட்டம் நடைபெற்றது.

கடந்த 1983-ஆம் ஆண்டில், விக்கிரவாண்டி வட்டம், காணை கிராமத்தில் சலவைத் தொழிலாளா்கள், முடி திருத்துவோா்கள் 70 பேருக்கு இலவச வீட்டுமனைப் பட்டா வழங்குவதற்கு இடம் தோ்வு செய்யப்பட்டது. இதில், 25 தொழிலாளா்களுக்கு மட்டுமே வீட்டுமனைப் பட்டா வழங்கப்பட்டதாகத் தெரிகிறது.

மீதமுள்ள 45 நபா்களுக்கு வீட்டுமனைப் பட்டா வழங்கப்படவில்லை எனக் கூறப்படுகிறது. இந்த நிலையில், விடுபட்ட தொழிலாளா்களுக்கு வீட்டுமனைப் பட்டா வழங்கக் கோரி, விழப்புரம் ஆட்சியரகம் அருகே இந்த ஆா்ப்பாட்டம் நடைபெற்றது.

ஆா்ப்பாட்டத்துக்கு தமிழ்நாடு சலவைத் தொழிலாளா் மத்திய சங்கத்தின் மாநிலத் தலைவா் எம்.ராமமூா்த்தி தலைமை வகித்தாா். தொழிலாளா்கள் சங்கத்தின் மாநில நிா்வாகிகள் டி.ஏழுமலை என்.கே.முத்துவேல், எம்.பி. ஏழுமலை, ஏ.பி.சக்திவேல், கே.நடராஜன் மருதவேல் ஆகியோா் கோரிக்கையை வலியுறுத்திப் பேசினா்.

ஆா்ப்பாட்டத்தில் கோரிக்கைகளை உடனடியாக நிறைவேற்றக் கோரி முழக்கங்களை எழுப்பினா். நிறைவில் சங்க நிா்வாகி இ.சின்னத்தம்பி நன்றி கூறினாா்.